رەسەي فەدەراتسياسى ورتالىق سايلاۋ كوميسسياسىنىڭ حاتشىسى ناتاليا بۋدارينا ەلىمىزدە ءوتىپ جاتقان جالپىحالىقتىق رەفەرەندۋمعا قاتىستى پىكىر ءبىلدىردى, دەپ حابارلايدى Egemen.kz.
جاڭا كونستيتۋتسيا جوباسىنا قاتىستى جالپىحالىقتىق رەفەرەندۋمعا حالىقارالىق بايقاۋشى رەتىندە شەت مەملەكەتتەر مەن حالىقارالىق ۇيىمداردىڭ وكىلدەرى قاتىسىپ جاتىر. سونىڭ ءبىرى – رەسەي فەدەراتسياسى ورتالىق سايلاۋ كوميسسياسىنىڭ حاتشىسى ناتاليا بۋدارينا استاناداعى بىرقاتار رەفەرەندۋم ۋچاسكەسىنىڭ جۇمىسىمەن تانىسىپ, داۋىس بەرۋ بارىسىن باقىلاپ شىقتى. ونىڭ ايتۋىنشا, رەفەرەندۋمدا ازاماتتاردىڭ ءوز ەركىن بىلدىرۋىنە تولىق جاعداي جاسالعان.
«بۇگىنگىدەي ماڭىزدى ساياسي وقيعانى باقىلاۋ ماقساتىندا ءبىز كوپتەگەن ۋچاسكەگە الدىن الا ەسكەرتۋسىز باردىق. ەشقانداي ارتىق ارەكەت بايقالمادى. داۋىس بەرۋ ۇدەرىسىنىڭ اشىقتىق دەڭگەيى وتە جوعارى. ۋچاسكەلەردە كوپتەگەن باقىلاۋشىلار وتىر. بۇل, ءسوزسىز, رەفەرەندۋم كوميسسياسىنىڭ قارقىندى جۇمىسىنىڭ ناتيجەسى», دەيدى ناتاليا بۋدارينا.
شىۇ باقىلاۋشىلار ميسسياسى قازاقستانداعى رەفەرەندۋمنىڭ تەحنيكالىق دايىندىعىن جوعارى باعالادى
حالىقارالىق بايقاۋشىنىڭ سوزىنشە, ۋچاسكەلەردە داۋىس بەرىپ جاتقان ازاماتتاردىڭ قاراسى قالىڭ.
«تۇرعىندار تاڭداۋىن جاساۋعا توقتاۋسىز كەلىپ جاتىر. اسىرەسە, كىشكەنتاي بالالارىن ەرتىپ كەلگەن وتباسىلار كوزگە جىلى ۇشىرادى. قازاقستان ءۇشىن تاريحي ماڭىزدى كۇندە بۇل ەل ازاماتتارىنىڭ جاۋاپكەرشىلىگىن اڭعارتادى» دەيدى ن. بۋدارينا.
تمد پاا بايقاۋشىلارى: بارلىعى اشىق, ءادىل جانە زاڭ تالاپتارىنا ساي ءوتىپ جاتىر