ۇلتتىق ۇلاننىڭ 5512 اسكەري بولىمىندە سان ءتۇرلى ماماندىق يەلەرى مەرزىمدى اسكەري قىزمەتتەرىن وتكەرىپ ءجۇر. پاۆلودار قالاسىنداعى اسكەري بولىمگە شىعىس قازاقستان جانە قوستاناي وڭىرىنەن كەلگەن تراكتورشى ماماندىعىن مەڭگەرگەن ءۇش سارباز بار, دەپ حابارلايدى Egemen.kz.
قاتارداعى جاۋىنگەرلەر ەگور ساۆەلەۆ, اندرەي جيدياەۆ جانە ۆلاديمير داۆلەتگاريەۆ تراكتور تىزگىندەپ, ەكسكاۆاتور جۇرگىزىپ, بۋلدوزەر باسقارىپ, كومبايننىڭ ءتىلىن بىلەتىن ارنايى تەحنيكالاردىڭ جۇرگىزۋشىلەرى. ءبىرى اسكەرگە دەيىن اۋىر تەحنيكامەن قۇرىلىس سالاسىندا قارقىندى جۇمىس اتقارسا, ءبىرى ەگىس القابىندا ماۋسىم بويى ەڭبەك ەتىپتى. ارنايى ماقساتتاعى تەحنيكالاردىڭ قۇلاعىندا وينايتىن جاۋىنگەرلەر اسكەرگە كەلىپ تە تراكتوردان قول ۇزبەگەنىنە قۋانىشتى.
«13 جاسىمنان باستاپ ۇلكەن اعامنىڭ جانىندا ءجۇرىپ, تراكتور جۇرگىزۋگە ماشىقتاندىم. اسكەرگە بارار الدىندا جاز بويى جۇرگىزگەن تراكتورىمدى تازالاپ, ءۇستىن جاۋىپ كەتكەنمىن. اسكەرگە كەلگەن ساتتە كوك تراكتور كوزىمە وتتاي باسىلدى. قازىر اسكەري بولىمگە ءتيىستى تەحنيكانى جۇرگىزەمىن. اسكەر قاتارىندا سۇيىكتى ماماندىعىمنىڭ ىسكە جاراعانىنا قۋانىشتىمىن», دەيدى قاتارداعى جاۋىنگەر ەگور ساۆەلەۆ.
كوك تراكتورمەن قاتارداعى جاۋىنگەرلەر اسكەري بولىمگە ءتيىستى ايماقتىڭ قارىن كۇرەپ, جەر قازىپ تاعى دا باسقا شارۋاشىلىق جۇمىستارىن اتقارادى. تراكتوردىڭ قىر-سىرىن جەتىك بىلەتىن جاۋىنگەرلەر تەحنيكانى كۇتىپ ۇستايدى. ايتا كەتەيىك, 5512 اسكەري ءبولىمى پاۆلودار قالاسىنداعى قوعامدىق قاۋىپسىزدىكتى قامتاماسىز ەتەدى.
«بۇل ءسوزدى بۇرىن ايتپاپپىن»: ۇلتتىق ۇلان ساربازدارى انالارىن مەرەكەمەن قۇتتىقتادى
ايتا كەتەيىك, بۇعان دەيىن كورىسۋ كۇنىنە وراي ۇلتتىق ۇلان اسكەري قىزمەتشىلەرى اتا-انالارى مەن جاقىندارىمەن بايلانىسىپ, مەرەكەلىك قۇتتىقتاۋلارىن جەتكىزگەنىن حابارلاعان ەدىك.