باتىس قازاقستان وبلىسىندا كامەلەتكە تولماعان قىزدى زورلادى دەگەن كۇدىكپەن 57 جاستاعى شەنەۋنىك ۇستالدى. بۇل وقيعا بۇعان دەيىن قوعامدا ۇلكەن رەزونانس تۋدىرعان بولاتىن. اقپان ايىنىڭ سوڭىندا وسى ماسەلە بويىنشا ىشكى ىستەر ۆيتسە-ءمينيسترى سانجار ادىلوۆ پىكىر بىلدىرگەن ەدى, دەپ حابارلايدى Egemen.kz.
جابىرلەنۋشى قىزدىڭ اكەسىنىڭ ايتۋىنشا, شىڭعىرلاۋ اۋداندىق اكىمدىگىنە قاراستى مەكەمەدە جۇمىس ىستەيتىن 57 جاستاعى قىزمەتكەر ونىڭ قىزىن الداپ ۇيىنە شاقىرىپ, زورلاعان. وسى دەرەككە بايلانىستى پوليتسيا قىلمىستىق كودەكسىنىڭ 120-بابى («زورلاۋ») بويىنشا قىلمىستىق ءىس قوزعاعان.
الايدا كەيىنىرەك تەرگەۋ بارىسىندا پوليتسەيلەر قىزدىڭ جازبالارى مەن باسقا دا ماتەريالداردى زەرتتەگەندە كۇش قولدانۋ فاكتىلەرى انىقتالماعانىن مالىمدەدى. تەرگەۋ نۇسقاسىنا سايكەس, قىز بەن ونىڭ اناسى شاعىمدارىنان باس تارتقاندىقتان ءىس توقتاتىلعان.
الماتىدا 13 جاستاعى قىزدى زورلادى دەگەن كۇدىكتى قاماۋعا الىندى
سوعان قاراماستان, ءجاسوسپىرىمنىڭ اكەسى مەملەكەتتىك قىزمەتكەردىڭ جازاسىز قالماۋىن جانە ءىستىڭ قايتا قارالۋىن تالاپ ەتكەن. ول وزىنە قىسىم جاسالعانىن دا ايتقان.
وسىدان كەيىن پروكۋرورلار ءىستى قايتا جاڭعىرتىپ, قوسىمشا تەكسەرۋ جۇرگىزدى.
باتىس قازاقستان وبلىسى پوليتسيا دەپارتامەنتىنىڭ حابارلاۋىنشا, قىلمىستىق ءىستى تەرگەۋ باسقارماسى ءوز وندىرىسىنە قابىلداپ, قىزدىڭ اكەسى كەلتىرگەن قوسىمشا مالىمەتتەردى سوتقا دەيىنگى تەرگەۋ اياسىندا تەكسەرگەن.
«كامەلەتكە تولماعان قىزدىڭ اكەسى ايتقان قوسىمشا دەرەكتەر تەكسەرىلدى. كۇدىكتى ۇستالىپ, قاماۋعا الىندى», دەلىنگەن حابارلامادا.
بۇعان دەيىن ۆيتسە-مينيستر سانجار ءادىلوۆ ءىستى جاپقان پوليتسەيلەردىڭ ارەكەتى دە تەكسەرىلەتىنىن ايتقان بولاتىن. ەگەر ولاردىڭ تاراپىنان كىنا نەمەسە سالعىرتتىق انىقتالسا, جاۋاپكەرشىلىككە تارتىلۋى مۇمكىن.