تۇركيانىڭ ورتالىق بولىگىندە ماگنيتۋداسى 5,5 بالدىق جەر سىلكىنىسى تىركەلدى, دەپ جازادى Egemen.kz.
تۇركيانىڭ توتەنشە جاعدايلار جانە اپاتتار باسقارماسىنىڭ (AFAD) مالىمەتىنشە, جەراستى دۇمپۋلەرى توكات پروۆينتسياسىنداعى نيكسار قالاسى ماڭىندا 6,37 شاقىرىم تەرەڭدىكتە بولعان. جەر سىلكىنىسى اماسيا, سيۆاس جانە سامسۋن قالالارىندا دا سەزىلگەن.
الماتى وبلىسىندا جەر سىلكىنىسى سەزىلدى
توكات پروۆينتسياسىنىڭ گۋبەرناتورى ابدۋللاح كيوكليۋ ايماقتا ايتارلىقتاي قيراۋ تىركەلمەگەنىن مالىمدەدى.
«كەيبىر مەكتەپتەردىڭ قابىرعاسىندا سىلاق جارىقتارى پايدا بولدى, كەي جەرلەردە بولماشى زاقىم بار. اۋماققا تولىق تەكسەرۋ جۇرگىزەمىز. كەيبىر تۇرعىندار مەن جاتاقحاناداعى ستۋدەنتتەر ۇرەيدەن اۋرۋحاناعا جۇگىندى. بۇدان باسقا الاڭداتاتىن جاعداي تىركەلگەن جوق», دەدى ابدۋللاح كيوكليۋ.
تايۆان مەن پەرۋدە قاتتى جەر سىلكىنىسى بولدى
جەر سىلكىنىسى كەزىندە اۋىل تۇرعىندارى قورىققاننان ۇيلەرىنەن شىعىپ, كوشەگە جۇگىرگەن.
كاسپي تەڭىزىندە جەر سىلكىنىسى تىركەلدى
قاۋىپسىزدىك ماقساتىندا توكات پروۆينتسياسىندا بارلىق مەملەكەتتىك جانە جەكەمەنشىك مەكەمەلەردىڭ جۇمىسى ۋاقىتشا توقتاتىلدى. سونىڭ ىشىندە مەكتەپتەر, بالاباقشالار, ارنايى ءبىلىم بەرۋ جانە وڭالتۋ ورتالىقتارى ءبىر كۇنگە جابىلدى.