سىنىقشى سەيسەپكۇل سيحىمباەۆا تۇرعىندارعا ىسىمەن, قامقورلىعىمەن ۇلگى بولىپ ءجۇر. ونى اقتاستىقتار عانا ەمەس, بايدىبەك اۋدانىنىڭ جۇرتى تەگىس تانيدى. تاياق ۇستاپ كەلگەن تالاي جانعا ەمىن جاساپ, اياققا تۇرعىزعانى بىزگە دە كوپتەن ءمالىم.
كۇندەلىكتى قىم-قۋىت تىرشىلىكتە قوعامعا پايدالى ىسپەن اينالىساتىن, ماماندىعىنا ادال, سوزىنە, ىسىنە بەرىك جانداردى كورسەك, جۇرەگىمىز جىلىپ سالا بەرەدى. ءىسىمىز تۇسكەن ادام ماسەلەمىزدى شەشە قويسا, العىسىمىزدى جاۋدىرىپ, ىقىلاس-ءىلتيپاتىمىزدى بىلدىرەمىز. «جاقسىنىڭ جاقسىلىعىن ايت, نۇرى تاسىسىن» دەيدى. العىسىمدى جەتكىزگەلى وتىرعان سەيسەپكۇل سيحىمباەۆا دا سونداي جاقسى, جايساڭ ادام.
جاسى توقسانعا كەلگەن ادامنىڭ اۋىرمايتىن, سىزدامايتىن جەرى بولمايدى. مىسالى, ءوزىم ءبىر بۇيىرىمە تايانىپ, جامباس تۇسىم جار بەرمەي ۇزاق ءجۇردىم. دارىگەرگە دە اقساڭداپ ازەر جەتتىم. باقىتىما قاراي, قولى شيپالى سىنىقشىنىڭ ەمىنەن كەيىن جاعدايىم ءبىراز جاقسارىپ قالدى. قۇددى قازىر دارىگەر اۋىرعان جەرىمدى تۇبىرىمەن ج ۇلىپ تاستاعانداي كۇيدەمىن. ەمشارانى تولىق الىپ بولعان سوڭ, ءحالىم بۇگىنگىدەن دە جاقسارا تۇسەتىنىنە يمانداي سەنىپ وتىرمىن. بادام ستانساسىندا تۇراتىن سەيسەپكۇلدىڭ وزىنە, وتباسىنا اماندىق, ساۋلىق تىلەيمىن. باق قاراسىن, قىدىر دارىسىن!
تەمىر رايجانوۆ,
ەڭبەك جانە تىل ارداگەرى
تۇركىستان وبلىسى,
بايدىبەك اۋدانى,
اقتاس اۋىلى