وقۋ-اعارتۋ مينيسترلىگى مەن قازاقستاننىڭ گرۋزياداعى ەلشىلىگىنىڭ بىرلەسكەن جۇمىسى ناتيجەسىندە 7 جاستاعى قازاقستان ازاماتى قايتارىلدى, دەپ حابارلايدى Egemen.kz.
وقۋ-اعارتۋ مينيسترلىگىنىڭ مالىمەتىنشە, بالانى ەلگە قايتارۋ شارالارى 6 اي بويى جۇرگىزىلدى. وسى كەزەڭدە ءتيىستى مەملەكەتتىك ورگاندار اراسىندا كەلىسسوزدەر ءوتىپ, گرۋزين تاراپىنىڭ قۇزىرلى مەكەمەلەرىمەن بايلانىس ورناتىلدى. قاجەتتى قۇجاتتار راسىمدەلىپ, بارلىق راسىمدەر زاڭناماعا سايكەس جۇزەگە اسىرىلدى.
شەتەلدەگى سوعىسقا ازاماتتاردى تارتۋ: دەپۋتات زاڭنامانى قايتا قاراۋدى ۇسىندى
قىز بالاعا پسيحولوگيالىق قولداۋ كورسەتىلىپ وتىر. سونداي-اق, بۇگىندە بالانىڭ مۇددەسى ەسكەرىلىپ, زاڭناما تالاپتارىنا سايكەس ونى وتباسىنا ورنالاستىرۋ ماسەلەسى قاراستىرىلىپ جاتىر.
«بالانىڭ قۇقىقتارىن, قاۋىپسىزدىگىن جانە جەكە ءومىرىنىڭ قۇپيالىعىن قورعاۋ ماقساتىندا ونىڭ دەربەس دەرەكتەرى مەن وقيعاعا قاتىستى وزگە دە مالىمەتتەر جاريا ەتىلمەيدى», دەلىنگەن حابارلامادا.
ەسكە سالايىق, ءاربىر بالانىڭ قۇقىعى مەن زاڭدى مۇددەسى ەل ىشىندە دە, شەتەلدە دە مەملەكەتتىڭ قورعاۋىندا تۇر.
رەفەرەندۋم-2026: شەتەلدەگى داۋىس بەرۋ ۋچاسكەلەرىنىڭ ءتىزىمى جاريالاندى