2026 جىلعى 1 شىلدەدەن باستاپ قازاقستانداعى جالعا بەرىلەتىن ەلەكتروساموكاتتارعا بىرەگەي مەملەكەتتىك ءنومىر بەرىلەدى. بۇل شەشىم ىشكى ىستەر مينيسترلىگىنىڭ جاڭا ەرەجەلەرى اياسىندا قابىلداندى, ماقسات – ەلەكتروساموكاتتاردى ەسەپكە الۋ جۇيەسىن رەتتەۋ جانە جولداعى قاۋىپسىزدىكتى ارتتىرۋ, دەپ حابارلايدى Egemen.kz.
ءار ساموكاتقا ءبىر لاتىن ءارپى مەن بەس تسيفردان تۇراتىن ءنومىر تاعايىندالادى (مىسالى, A00001). بەرىلگەن نومىرلەر قايتالانبايدى. ءار وپەراتور ءوز شەشىمىن باسقا جالعا بەرۋ كومپانيالارىنا حابارلاۋى ءتيىس, بۇل ءنومىردىڭ قايتالانباۋىن قامتاماسىز ەتەدى.
الماتىدا ەلەكتروساموكاتتاردىڭ كەسىرىنەن 400-دەن استام ادام جاراقات العان
قىزمەتتەن الىنعان ساموكاتتىڭ ءنومىرى قالپىنا كەلتىرىلمەيدى جانە باسقا ساموكاتقا بەرىلمەيدى. بۇل ءنومىردىڭ بىرەگەيلىگىن ساقتاپ, وقيعالاردى تەرگەۋدە جانە قۇقىق قورعاۋ ورگاندارى تەكسەرىسىندە كومەكتەسەدى.
نومىردىڭ ماتەريالى قاتتى, ىلعال مەن تەمپەراتۋرا اۋىتقۋلارىنا, كۇن ساۋلەسىنە ءتوزىمدى بولۋى كەرەك. تۇنگى ۋاقىتتا كورىنۋى ءتيىس.
قازاقستاندا ساموكاتپەن ءجۇرۋ ەرەجەلەرى قاتاڭدادى
جاڭا ەرەجەلەر 1 شىلدەدەن باستاپ كۇشىنە ەنەدى. بارلىق وپەراتورلار ءوز ساموكاتتارىن نومىرلەپ, ەسەپ جۇرگىزۋگە مىندەتتى.
ەرەجەلەردى بۇزۋ جازا مەن قىزمەتتى شەكتەۋگە اكەپ سوعۋى مۇمكىن.