اقش پرەزيدەنتى دونالد ترامپ 9 ناۋرىزدا رەسەي پرەزيدەنتى ۆلاديمير پۋتينمەن تەلەفون ارقىلى سويلەسىپ, يرانعا قارسى اسكەري وپەراتسيانى تالقىلاعانىن مالىمدەدى, دەپ حابارلايدى Egemen.kz.
اقش پرەزيدەنتى سويلەسۋ وڭ سيپاتتا وتكەنىن اتاپ ءوتتى. ترامپتىڭ ايتۋىنشا, ولار ۋكراينا مەن تاياۋ شىعىستاعى احۋالدى تالقىلاعان. پۋتين اقش-تىڭ يرانداعى اسكەري وپەراتسياسىنا تاڭدانىس ءبىلدىرىپ, بۇرىن-سوڭدى مۇندايدى كورمەگەنىن ايتقان.
دونالد ترامپ يرانعا شابۋىل جاساۋدىڭ سەبەپتەرىن اتادى
سونداي-اق رەسەي پرەزيدەنتىنىڭ كومەكشىسى يۋري ۋشاكوۆ تا 9 ناۋرىزدا پۋتين مەن ترامپ اراسىنداعى تەلەفون اڭگىمەسى تۋرالى حابارلادى. بۇل اڭگىمەنىڭ نەگىزگى ءبولىمى يرانداعى جاعدايعا جانە ۋكرايناداعى قاقتىعىستى رەتتەۋ جونىندەگى كەلىسسوزدەرگە ارنالعانىن مالىمدەدى.
اڭگىمە بارىسىندا ترامپ ۋكرايناداعى جاعداي بويىنشا «تەزىرەك اتىستى توقتاتۋ جانە ۇزاق مەرزىمدى بەيبىت شەشىمگە قول جەتكىزۋگە» مۇددەلى ەكەنىن جەتكىزگەن. ءوز كەزەگىندە پۋتين اقش-تىڭ دەلدالدىق ارەكەتتەرىن وڭ باعالاعان.
ۋشاكوۆتىڭ ايتۋىنشا, پۋتين ترامپقا تاياۋ شىعىستاعى قاقتىعىستى رەتتەۋ جونىندەگى ويلارى مەن ءوڭىر ليدەرلەرىمەن وتكەن كەزدەسۋلەردىڭ قورىتىندىسىن جەتكىزگەن. ءبىر ساعاتقا سوزىلعان قۇرىلىمدى اڭگىمە بارىسىندا تاراپتار تۇراقتى بايلانىس ورناتۋعا كەلىسكەن.
ترامپ يراننىڭ كەلەسى كوشباسشىسىن تاڭداۋعا قاتىسقىسى كەلەتىنىن ايتتى