سىرتقى ساۋداداعى جاعدايدىڭ وزگەرۋىنە بايلانىستى قازاقستاندا ەكسپورتتاۋشىلاردى قولداۋ شارالارى كۇشەيتىلدى. وسىعان وراي ەكسپورتتىق شتاب جانىنان بيزنەس وكىلدەرىمەن جەدەل بايلانىس ورناتۋعا ارنالعان ارنايى call-ورتالىق ىسكە قوسىلدى, دەپ حابارلايدى Egemen.kz.
جاڭا قىزمەتتى «QazTrade» ەكسپورتتى دامىتۋ جونىندەگى ۇلتتىق وپەراتور ىسكە قوستى. ول ساۋدا جانە ينتەگراتسيا مينيسترلىگىنىڭ قاراماعىندا جۇمىس ىستەيدى.
Call-ورتالىقتىڭ نەگىزگى ماقساتى – سىرتقى نارىقتا جۇمىس ىستەيتىن وتاندىق ەكسپورتتاۋشىلاردىڭ ماسەلەلەرىن دەر كەزىندە انىقتاپ, جەدەل شەشۋگە كومەكتەسۋ.
قازاقستان تاياۋ شىعىستاعى جاعدايعا بايلانىستى «جەدەل جەلى» نومىرلەرىن ىسكە قوستى
ەكسپورتتاۋشىلار بۇل قىزمەت ارقىلى لوگيستيكا, ەسەپ ايىرىسۋ, كەدەندىك راسىمدەر جانە سىرتقى ساۋداعا قاتىستى باسقا دا قيىندىقتار تۋرالى حابارلاي الادى. تۇسكەن بارلىق وتىنىشتەر ءتيىستى مەملەكەتتىك ورگاندار مەن دامۋ ينستيتۋتتارىنىڭ قاتىسۋىمەن قارالىپ, ناقتى شەشىمدەر ازىرلەنەدى.
مينيسترلىكتىڭ مالىمەتىنشە, سىرتقى ساۋداداعى جاعداي تۇراقتى باقىلاۋدا. قاجەت بولعان جاعدايدا ەكسپورتتىق جەتكىزىلىمدەردى ساقتاۋ ءۇشىن بالامالى باعىتتار مەن جاڭا نارىقتار قاراستىرىلماق.
الماتى اپورتى ەكسپورتقا دايىندالىپ جاتىر: «QazTrade» پەن وندىرۋشىلەر مەموراندۋمعا قول قويدى
ەكسپورتتاۋشىلار تۋىنداعان ماسەلەلەر بويىنشا مىنا نومىرگە حابارلاسا الادى: +7 777 022 23 34 (export.care@qaztrade.org.kz). ورتالىق جۇمىس كۇندەرى (دۇيسەنبى-جۇما) ساعات 9:00-دەن 17:00-گە دەيىن قىزمەت كورسەتەدى.