بۇقارالىق اقپارات قۇرالدارىندا الماتى قالاسىندا شامامەن 540 ملن تەڭگە كولەمىندە پارا الدى دەگەن كۇدىكپەن «قازتەمىرترانس» اق فيليالىنىڭ ديرەكتورى اقىلبەك بازەنوۆ ۇستالدى دەگەن اقپارات تارادى, دەپ حابارلايدى Egemen.kz.
دەرەككوزدەردىڭ مالىمەتىنشە, اقشا وعان فيليال قىزمەتىنە قاتىستى ماسەلەلەردى شەشۋگە جانە كاسىپكەرلىك قىزمەتكە قولداۋ كورسەتۋگە بايلانىستى بەرىلگەن. اتاپ ايتقاندا, جەكە كۇزەت كومپانياسىنا «قازتەمىرترانس» نىساندارىن قازاقستان اۋماعىندا كۇزەتۋگە رۇقسات الۋ ماسەلەسىنە ىقپال ەتۋ جايى ءسوز بولىپ وتىر.
11,4 ملرد تەڭگە زالال: «پروبلەمالىق كرەديتتەر قورىنىڭ» بۇرىنعى توراعاسى ۇستالدى
«قازتەمىرترانس» كومپانياسىنىڭ ءباسپاسوز قىزمەتى تەرگەۋ ارەكەتتەرى جۇرگىزىلىپ جاتقانىن راستادى. كومپانيا وكىلدەرى ۋاكىلەتتى ورگاندارعا تولىق قولداۋ كورسەتىپ, قاجەتتى اقپارات پەن قۇجاتتاردى ۇسىنىپ جاتقانىن مالىمدەدى.
سونىمەن قاتار كومپانيادا فيليال نىساندارىن كۇزەتۋگە ارنالعان مەملەكەتتىك ساتىپ الۋ بويىنشا كەلىسىمشارتتار قازىردىڭ وزىندە تولىق اياقتالعانى ايتىلدى.
«قولدا بار مالىمەتتەرگە قاراعاندا, فيليال نىساندارىن كۇزەتۋگە قاتىستى مەملەكەتتىك ساتىپ الۋدا جەڭىسكە جەتۋگە جاردەمدەسكەنى ءۇشىن ءىرى كولەمدە زاڭسىز سىياقى الدى دەگەن اقپارات كۇمان تۋدىرادى. سەبەبى قازىر كۇزەت قىزمەتتەرىنە بايلانىستى بارلىق كەلىسىمشارتتار جاسالىپ قويعان. جالپى كومپانيا بويىنشا كۇزەت قىزمەتتەرىنىڭ جىلدىق بيۋدجەتى شامامەن 200 ملن تەڭگەنى قۇرايدى, ال الماتى فيليالىنىڭ وندىرىستىك بازالارىن كۇزەتۋگە بيىل 9 ملن تەڭگەدەن استام قارجى بولىنگەن. بۇل تاراعان اقپاراتتاعى پارا كولەمىنەن بىرنەشە ەسە از», دەلىنگەن كومپانيا حابارلاماسىندا.
سقو-دا كولونيا باستىعى قىلمىسكەردەن پارا الدى دەگەن كۇدىكپەن ۇستالدى
قالعان ءمان-جايلاردى تەرگەۋ انىقتايدى.
ايتا كەتەيىك, «قازاقستان تەمىر جولى» ۇلتتىق كومپانياسىنىڭ ەنشىلەس ۇيىمى سانالاتىن «قازتەمىرترانس» – قازاقستانداعى جۇك ۆاگوندارى پاركىنىڭ ەڭ ءىرى وپەراتورى.