2026 جىلعى 4 ناۋرىزدا كوكشەتاۋ قالاسىنىڭ مامانداندىرىلعان تەرگەۋ سوتى «پالاۋ ورتالىعى» ءدامحاناسىنىڭ يەسىن ەكى اي مەرزىمگە قاماۋعا الۋ تۋرالى سانكتسيا بەرگەن. بۇل تۋرالى اقمولا وبلىستىق پروكۋراتۋراسى مالىمدەدى, دەپ حابارلايدى Egemen.kz.
ششۋچينسك قالاسىنداعى «پالاۋ ورتالىعى» ءدامحاناسىندا بولعان ورتكە قاتىستى قىلمىستىق ءىستىڭ تەرگەۋ بارىسىن باس پروكۋراتۋرا باقىلاۋدا ۇستاپ وتىر.
وقيعاعا بايلانىستى قىلمىستىق كودەكستىڭ 292-بابى 3-بولىگى – ء«ورت قاۋىپسىزدىگى تالاپتارىن بۇزۋ سالدارىنان ابايسىزدا ەكى نەمەسە ودان دا كوپ ادامنىڭ قازا بولۋىنا اكەپ سوعۋ» بويىنشا قىلمىستىق ءىس قوزعالدى. ناتيجەسىندە دامحانا يەسى ەكى اي مەرزىمگە قاماۋعا الىندى.
ەسكە سالايىق, ءدامحانادا گاز جارىلىسىنان كەيىن شىققان ءورت سالدارىنان 9 ادام قازا تاپتى. زارداپ شەككەندەردىڭ جاعدايى اۋىر جانە ورتاشا اۋىر دەپ باعالانعان.