كوكتەمگى سۋ تاسقىنى كەزەڭىنە دايىندىق اياسىندا قوستاناي وبلىسىنداعى «قازسۋشار» فيليالى جوعارعى توبىل جانە قاراتومار سۋ قويمالارىندا بوس سىيىمدىلىق دايىنداۋ جۇمىستارىن جۇرگىزدى, دەپ جازادى Egemen.kz.
سۋ رەسۋرستارى جانە يرريگاتسيا مينيسترلىگىنىڭ مالىمەتىنشە, قازىر جوعارعى توبىل سۋ قويماسى – 70%-عا, ال قاراتومار سۋ قويماسى – 63%-عا تولعان.
سۋ قويمالارىندا 461 ملن تەكشە مەتر بوس سىيىمدىلىق بار. بۇل جوبالىق كولەمنىڭ 33 پايىزىنا تەڭ. ال بولجانىپ وتىرعان سۋ كولەمى 459 ملن تەكشە مەترگە دەيىن جەتۋى مۇمكىن.
سۋ تاسقىنى قاۋپى – باستى نازاردا
ايماقتا كوكتەمگى سۋ تاسقىنى كەزەڭىن قاۋىپسىز وتكىزۋ جانە گيدروتەحنيكالىق نىسانداردىڭ تۇراقتى جۇمىسىن قامتاماسىز ەتۋ ماقساتىندا ارنايى كوميسسيا قۇرىلىپ, ءىس-قيمىل جوسپارى بەكىتىلگەن. قوستاناي فيليالى نىساندارىندا كىرەبەرىس جولدار مەن اۋماقتاردى قاردان تازارتۋ جۇمىستارى تۇراقتى تۇردە جۇرگىزىلىپ جاتىر.
پرەزيدەنت سۋ تاسقىنى مەن قۇرعاقشىلىق قاۋپىنە الدىن الا دايىندالۋدى تاپسىردى
«قاجەتتى ينەرتتى ماتەريالدار مەن جانار-جاعارماي قورى دايىندالىپ, سۋ تاسقىنى كەزەڭىنە 36 تەحنيكا ازىرلەندى. ولاردىڭ قاتارىندا ەكسكاۆاتورلار, بۋلدوزەرلەر, تيەگىشتەر, تراكتورلار, اۆتوكولىكتەر, موتورلى قايىقتار, كاتەرلەر جانە باسقا دا تەحنيكا بار. سونىمەن قاتار رەسەي فەدەراتسياسىنىڭ چەليابى جانە قورعان وبلىستارىنىڭ سۋ قىزمەتتەرى, «قازگيدرومەت», قوستاناي وبلىسىنىڭ توتەنشە جاعدايلار دەپارتامەنتى جانە جەرگىلىكتى اتقارۋشى ورگاندارمەن تۇراقتى تۇردە اقپارات الماسۋ جۇرگىزىلىپ وتىر. 2026 جىلعى سۋ تاسقىنى كەزەڭىنە دايىندىقتى ۇيلەستىرۋ بويىنشا وبلىستىق جەدەل شتابپەن كەڭەستەر وتكىزىلىپ جاتىر», دەدى «قازسۋشاردىڭ» قوستاناي فيليالىنىڭ ديرەكتورى مۇحتار جۇمانوۆ.
سۋ تاسقىنى: قاي وڭىرلەردە قاۋىپ بار؟