الماتى وبلىسى بويىنشا قارجىلىق مونيتورينگ اگەنتتىگى دەپارتامەنتى تەگىن مەديتسينالىق كومەكتىڭ كەپىلدىك بەرىلگەن كولەمى اياسىندا كورسەتىلگەن ستوماتولوگيالىق قىزمەتتەرگە قاتىستى الاياقتىق فاكتىسى بويىنشا تەرگەۋدى اياقتادى, دەپ حابارلايدى Egemen.kz.
تەرگەۋ بارىسىندا ستوماتولوگيالىق كلينيكالاردىڭ ديرەكتورى الەۋمەتتىك مەديتسينالىق ساقتاندىرۋ قورى كەاق-پەن جالپى قۇنى 450 ملن تەڭگەدەن اساتىن مەديتسينالىق قىزمەتتەردى ساتىپ الۋ تۋرالى كەلىسىمشارتتار جاساعانى انىقتالعان. كەلىسىمگە سايكەس كلينيكالار مىندەتتى الەۋمەتتىك مەديتسينالىق ساقتاندىرۋ جۇيەسى اياسىندا ازاماتتارعا شۇعىل جانە جوسپارلى ستوماتولوگيالىق كومەك كورسەتۋى ءتيىس بولعان.
شىعىس قازاقستاندا ەكى ۆەدومستۆونىڭ لاۋازىمدى تۇلعالارى جەمقورلىقپەن ۇستالدى
الايدا كۇدىكتى «Damumed» مەديتسينالىق اقپاراتتىق جۇيەسىنە ورتودونتيالىق قىزمەتتەر كورسەتىلگەنى تۋرالى جالعان دەرەكتەر ەنگىزۋدى ۇيىمداستىرعان. ناقتىسىندا بۇل قىزمەتتەر پاتسيەنتتەرگە كورسەتىلمەگەن.
زاڭسىز ارەكەتتەرىن جاسىرۋ ماقساتىندا ول دارىگەرلەردىڭ ەسەپتىك جازبالارىن جانە كلينيكاعا بۇرىن جۇگىنگەن كامەلەتكە تولماعان پاتسيەنتتەردىڭ جەكە دەرەكتەرىن رۇقساتسىز پايدالانعان.
تەرگەۋ ناتيجەسىندە ورتودونتيالىق كومەك كورسەتىلگەنى تۋرالى راستالماعان 4 597 جاعداي انىقتالدى. مەملەكەتكە كەلتىرىلگەن شىعىن كولەمى 66 ملن تەڭگەنى قۇرادى.
جەمقورلىقپەن كۇرەس: بيۋدجەتكە 100 ملن تەڭگەدەن استام قارجى قايتارىلدى
سوت سانكتسياسىمەن كۇدىكتىنىڭ بانكتىك شوتتارىنداعى 23 ملن تەڭگە قاراجاتقا جانە قۇنى 29 ملن تەڭگە بولاتىن ستوماتولوگيالىق جابدىقتارعا تىيىم سالىندى.
تەرگەۋ بارىسىندا كۇدىكتى كەلتىرىلگەن زالالدىڭ 11 ملن تەڭگەسىن وتەگەن. وعان قاتىستى ۇيقاماق تۇرىندەگى بۇلتارتپاۋ شاراسى قولدانىلدى.
قىلمىستىق-پروتسەستىك كودەكستىڭ 201-بابىنا سايكەس تەرگەۋگە قاتىستى وزگە مالىمەتتەر جاريا ەتىلمەيدى.
شىمكەنتتە الاياقتار ستۋدەنتتەردى TikTok ارقىلى تۇزاققا تۇسىرگەن