جەڭىل ونەركاسىپتى دامىتۋدىڭ كەشەندى باعدارلاماسى ازىرلەنەدى

وتىرىسقا سالالىق قاۋىمداستىقتاردىڭ, ونىڭ ىشىندە «Qaz Textile» Industry ۇلتتىق بىرلەستىگى مەن «جەڭىل ونەركاسىپ كاسىپورىندارىنىڭ ءوزىن-ءوزى رەتتەيتىن ۇيىمى» وكىلدەرى, سونداي-اق ءىرى كاسىپورىن باسشىلارى قاتىستى. اتاپ ايتقاندا, «AZALA Group», «Qazaq Tigin Fabrikasy», «قازجەڭىلونەركاسىپ-الماتى», «گلوبال-ارنايىكيىم» جانە «تارازتەرىاياقكيىم« كومپانيالارىنىڭ باسشىلارى ءوز ۇسىنىستارىن ورتاعا سالدى.

ونەركاسىپ جانە قۇرىلىس مينيسترلىگىنىڭ مالىمەتىنە سايكەس, سوڭعى بەس جىلدا سالا تۇراقتى ءوسىم كورسەتىپ وتىر. 2025 جىلدىڭ قورىتىندىسى بويىنشا جەڭىل ونەركاسىپ ءوندىرىسى 13,2%-عا ءوسىپ, 260 ملرد تەڭگەگە جەتتى. بۇل كورسەتكىش جوسپارلانعان 3%-دىق وسىمنەن الدەقايدا جوعارى.

وڭدەۋ ونەركاسىبىندەگى جەڭىل ونەركاسىپتىڭ ۇلەسى ازىرگە 0,8% بولعانىمەن, سالانىڭ الەۋەتى جوعارى. ونىڭ قۇرىلىمىندا:

60%-دان استامى توقىما ءوندىرىسى,

32% – كيىم ءوندىرىسى,

6,5% – اياق كيىم مەن بىلعارى بۇيىمدارى.

سونىمەن قاتار كاسىپورىنداردىڭ 97%-دان استامى شاعىن بيزنەس سۋبەكتىلەرى. سالانى دامىتۋ ماقتا مەن تەرىنى تەرەڭ وڭدەۋ, سينتەتيكالىق تالشىق ءوندىرىسىن كەڭەيتۋ جانە قوسىلعان قۇنى جوعارى ءونىم ۇلەسىن ارتتىرۋ ارقىلى جۇزەگە اسىرىلماق.

2025 جىلى قازاقستاندا 466 مىڭ توننا ماقتا جينالىپ, رەكوردتىق كورسەتكىشكە جەتتى. ناتيجەسىندە:

116,1 مىڭ توننا ماقتا تالشىعى;

500 توننا يىرىلگەن ءجىپ;

5,2 ملن شارشى مەتر ماتا;

28,6 ملن دانا دايىن توقىما بۇيىمى ءوندىرىلدى.

ونەركاسىپ جانە قۇرىلىس ۆيتسە-ءمينيسترى ولجاس ساپاربەكوۆتىڭ ايتۋىنشا, 1 توننا ماقتا تالشىعىن تولىق وڭدەۋ ارقىلى 1 650 داناعا دەيىن دايىن توقىما ءونىمىن شىعارۋعا بولادى. ەگەر شيكىزات تولىق وڭدەلسە, ىقتيمال قوسىلعان قۇن 1,67 ملرد دوللارعا جەتىپ, 5 مىڭعا دەيىن جاڭا جۇمىس ورنى اشىلۋى مۇمكىن.

جەڭىل ونەركاسىپكە جەڭىلدىك كەرەك

سالادا ورتا مەرزىمدى پەرسپەكتيۆاعا نەگىز بولاتىن بىرقاتار وندىرىستىك جوبالار جۇزەگە اسىرىلىپ جاتىر. ولاردىڭ قاتارىندا «KazFeltec» وقشاۋلاۋ ءوندىرىسىن, تالشىقتەكس توقىلعان پوليپروپيلەن گەوكەنەپ ءوندىرىسىن جانە تۇركىستان توقىما ماقتا-ماتا يىرىلگەن ءجىپ ءوندىرىسى بار.

دەگەنمەن وڭ ديناميكاعا قاراماستان, جيىندا شيكىزات بازاسىن دامىتۋ, ءوندىرىستى جاڭعىرتۋ, رەتتەلەتىن ساتىپ الۋ تەتىكتەرىن جەتىلدىرۋ جانە قارجىلىق قولداۋ شارالارىن كەڭەيتۋ قاجەت ەكەنى ايتىلدى.

سالا كاسىپورىندارى تۇراقتى ءارى بولجامدى ەكونوميكالىق جاعداي جاسالعان جاعدايدا ءوندىرىستى كەڭەيتۋگە جانە جاڭا جۇمىس ورىندارىن اشۋعا دايىن ەكەنىن جەتكىزدى.

جەڭىل ونەركاسىپ سالاسىندا ينۆەستيتسيالىق 9 جوبا ىسكە قوسىلادى

جيىن قورىتىندىسىندا بيزنەس جانە سالالىق قاۋىمداستىقتارمەن بىرلەسىپ جەڭىل ونەركاسىپتى دامىتۋدىڭ كەشەندى باعدارلاماسىن ازىرلەۋ تۋرالى شەشىم قابىلداندى. بۇل قۇجاتتا بازالىق كاسىپورىنداردىڭ الەۋەتى, ولاردىڭ قازىرگى كورسەتكىشتەرى مەن الداعى ماقساتتى ينديكاتورلارى ايقىندالماق.

«جەڭىل ونەركاسىپ – حالىقتى جۇمىسپەن قامتۋ تۇرعىسىنان اسا ماڭىزدى سالا. اسىرەسە, حالقى تىعىز ورنالاسقان تۇركىستان وبلىسىندا مۇنداي كاسىپورىندار كوپ. ولاردى دامىتۋ ارقىلى جەرگىلىكتى تۇرعىنداردى تۇراقتى جۇمىس ورىندارىمەن جانە لايىقتى جالاقىمەن قامتاماسىز ەتۋگە بولادى. سوندىقتان ونەركاسىپ جانە قۇرىلىس مينيسترلىگى بيزنەس وكىلدەرىمەن بىرلەسىپ سالانى دامىتۋ باعدارلاماسىن ازىرلەۋدى باستاۋى ءتيىس», دەدى سەرىك جۇمانعارين.