ەلوردادا اۋا رايىنىڭ قولايسىزدىعىنا بايلانىستى كوممۋنالدىق قىزمەتتەر تاۋلىك بويى كۇشەيتىلگەن رەجيمدە جۇمىس ىستەپ جاتىر. قالا كوشەلەرىن, داڭعىلدار مەن تۇرعىن الاپتارىن قار مەن مۇزدان تازارتۋ شارالارى ۇزدىكسىز جۇرگىزىلۋدە, دەپ حابارلايدى Egemen.kz.
وتكەن ءتۇننىڭ وزىندە قار پوليگوندارىنا 1 316 اۋىر جۇك كولىگى رەيس جاساپ, جالپى كولەمى 22 865 تەكشە مەتر قار شىعارىلدى. بۇل جول قوزعالىسىنىڭ قاۋىپسىزدىگىن قامتاماسىز ەتۋ جانە كولىك كەپتەلىسىنىڭ الدىن الۋ ماقساتىندا اتقارىلعان جۇمىستاردىڭ ءبىر بولىگى.
3 ناۋرىزدىڭ تاڭىنان باستاپ قار تازالاۋ ناۋقانىنا 1 748 بىرلىك ارنايى تەحنيكا جۇمىلدىرىلدى. ولاردىڭ قاتارىندا قار تيەگىشتەر, اۆتوگرەيدەرلەر, قۇم-تۇز قوسپاسىن سەبەتىن ماشينالار مەن جۇك كولىكتەرى بار. سونىمەن قاتار 3 036 جول جۇمىسشىسى ايالدامالار, جاياۋ جۇرگىنشىلەر جولى, الەۋمەتتىك نىساندار ماڭى مەن اۋلالاردى تازالاۋعا تارتىلعان.
استانا ماڭىنداعى اۋىل تۇرعىنى تۋىستارىنىڭ دەنەسىن بولشەكتەپ تاستاعان
ماماندار الدىمەن قوعامدىق كولىك باعىتتارى, نەگىزگى ماگيسترالدار, كوپىرلەر مەن جول ايرىقتارىن تازارتۋعا باسىمدىق بەرىپ وتىر. سونداي-اق كوكتايعاقتىڭ الدىن الۋ ءۇشىن جولدارعا ارنايى رەاگەنتتەر سەبىلگەن.
قالالىق قىزمەتتەر تۇرعىنداردى جولدا ساق بولۋعا, اۋا رايى جاعدايىن ەسكەرىپ قوزعالىستى جوسپارلاۋعا شاقىرادى. قار تازالاۋ جانە جولداردى وڭدەۋ جۇمىستارى تاۋلىك بويى جالعاسادى.
استانادا قۇتقارۋشىلار ليفتىدە قالىپ قويعان بالالاردى شىعارىپ الدى