كورنەكتى ءتىلتانۋشى عالىم, اكادەميك شورا سارىباەۆتىڭ تۋعانىنا 101 جىل تولۋىنا وراي اباي اتىنداعى قازاق ۇلتتىق پەداگوگيكالىق ۋنيۆەرسيتەتى مەن احمەت بايتۇرسىن ۇلى اتىنداعى ءتىل ءبىلىمى ينستيتۋتى جانىندا تۇراقتى جۇمىس ىستەيتىن فيلولوگيا عىلىمدارى زەرتتەۋلەرىن ساراپتامالىق ۇيلەستىرۋ ورتالىعىنىڭ كەزەكتى وتىرىسى ءوتتى, دەپ حابارلايدى Egemen.kz.
عىلىم جانە جوعارى ءبىلىم مينيسترلىگى, حالىقارالىق «قازاق ءتىلى» قوعامىنىڭ الماتى قالالىق فيليالى قولداۋىمەن «فيلولوگيا عىلىمدارىنىڭ زەرتتەلۋى: وزەكتى ماسەلەلەرى جانە شەشۋ جولدارى» تاقىرىبىندا وتكەن جيىندى پرەزيدەنت جانىنداعى ۇعا ديرەكتورلار كەڭەسىنىڭ تاۋەلسىز ديرەكتورى, اكادەميك كارىمبەك قۇرماناليەۆ جۇرگىزدى.
عىلىم سالاسىنداعى جاساندى ينتەللەكت
جيىندا وتاندىق ءتىلتانىم عىلىمىن جۇيەلەۋ, عىلىمي ىزدەنىستەردىڭ باعىت-باعدارىن ايقىنداۋ, ديسسەرتاتسيالىق جۇمىستاردىڭ مازمۇندىق ساپاسىن كۇشەيتۋ ماسەلەلەرى قاراستىرىلدى.
«عىلىم سالاسىنداعى مۇنداي جۇمىس زور جاۋاپكەرشىلىكتى تالاپ ەتەدى. بۇگىندە ورتالىق عىلىمي وي-پىكىر الماساتىن, زەرتتەۋلەر ساراپتالاتىن بەدەلدى الاڭعا اينالىپ وتىر. بۇل تەك اكادەميالىق مىندەت قانا ەمەس, سونىمەن قاتار ۇلتتىق بولمىستى ايقىندايتىن ستراتەگيالىق باعىت. ورتالىق قىزمەتى ساراپتامالىق زەرتتەۋلەرمەن عانا شەكتەلمەي, فيلولوگيا عىلىمدارىنىڭ دامۋىنا سەرپىن بەرەتىن اۋقىمدى مىندەتتەردى قامتيدى», دەپ اتاپ ءوتتى جيىندى اشقان اباي اتىنداعى قازۇپۋ باسقارما توراعاسى-رەكتور بولات تىلەپ.
ساراپتامالىق ۇيلەستىرۋ ورتالىعى وتاندىق فيلولوگيا عىلىمدارىنىڭ دامۋىنا جۇيەلى تۇردە ۇلەس قوسۋدى ماقسات ەتەدى. وندا عىلىمي ديسسەرتاتسيا تاقىرىپتارىن بىرىڭعاي بازا ارقىلى قاداعالاۋ, تالقىلاۋدان وتكىزۋدىڭ ماڭىزى قاراستىرىلدى. عالىمداردىڭ پايىمداۋىنشا, بارلىق عىلىمي جۇمىستاردىڭ ءبىر ورتالىقتان ۇيلەستىرىلۋى زەرتتەۋ باعىتتارىنىڭ ۇيلەسىمدى دامۋىنا, جاس عالىمداردى قولداۋ, ولاردىڭ عىلىمي ديسسەرتاتسيالارىن سۇيەمەلدەۋگە مۇمكىندىك بەرەدى.
عىلىم جانە جوعارى ءبىلىم سالاسىنداعى ساپانى قامتاماسىز ەتۋ كوميتەتىنىڭ توراعاسى ادىلەت تويباەۆتىڭ ايتۋىنشا, كەيبىر دوكتورانتتاردىڭ ديسەرتاتسيا تاقىرىپتىڭ قايتالانۋى, كوشىرىلۋى سەكىلدى ماسەلەلەر جەتكىلىكتى. بۇل قاناتقاقتى جوبا. ەگەر جەمىسىن بەرسە, باسقا دا سالالارعا دا ەنگىزىلەتىن بولادى. فيلولوگيا عىلىمدارى زەرتتەۋلەرىن ساراپتامالىق ۇيلەستىرۋ ورتالىعى جۇمىسىنا مينيسترلىك تاراپىنان قولداۋ بولادى.
ال پرەزيدەنت جانىنداعى ۇعا وكىلى جەڭىسبەك تولەن, سونداي-اق جوعارى وقۋ ورىندارى جانىنداعى ديسسەرتاتسيالىق كەڭەس توراعالارى مەن جەتەكشى عالىمدار فاۋزيا ورازباەۆا, ديحان قامزابەك ۇلى, قالبيكە ەسەنوۆا, انار فازىلجان كوتىرىلگەن تاقىرىپقا بايلانىستى جان-جاقتى پىكىرلەرىن ءبىلدىرىپ, كەلەلى ۇسىنىستارىن ايتتى.
ەاەو كەڭەسى عىلىمي اتاقتاردى ءوزارا تانۋ تۋرالى كەلىسىمدى ماقۇلدادى
ساراپتامالىق ۇيلەستىرۋ ورتالىعىنىڭ بولاشاقتا جۇمىس ءتارتىبىن ءبىرىنشى ورىنباسار قالبيكە ەسەنوۆا ءتۇسىندىرىپ بەردى. جيىن قورىتىندىسىندا زەرتتەۋلەردىڭ ساپاسىن كۇشەيتۋ, عىلىمي تالاپتاردى جەتىلدىرۋ مەن ۇلتتىق عىلىمي دەرەكتەردىڭ تسيفرلىق ەكوجۇيەسىن قالىپتاستىرۋ تۋرالى قارار قابىلداندى.
الماتى