وسكەمەن قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا شىعىس قازاقستان وبلىس ورتالىعىنىڭ اۋەجايىن 20 جىلعا جۋىق باسقارعان نيكولاي كورولەنكوعا قاتىستى ءىس قارالىپ, ۇكىم شىعارىلدى.
ول قر قك-ءنىڭ 361-بابى 4-بولىگى 3-تارماعى (قىزمەتتىك وكىلەتتىكتەرىن تەرىس پايدالانۋ) جانە 189-بابى 4-بولىگى 2-تارماعى (سەنىپ تاپسىرىلعان م ۇلىكتى اسا ءىرى مولشەردە جىمقىرۋ) بويىنشا ايىپتالىپ, سوت الدىندا جاۋاپ بەردى. باستاپقىدا وعان سىبايلاس جەمقورلىق سيپاتىنداعى ايىپتار تاعىلعانىمەن, سوت تالقىلاۋى بارىسىندا مەملەكەتتىك ايىپتاۋشى بۇل ايىپتاردان باس تارتتى.
ۇكىممەن قاتار شقو اكىمدىگىنە جولدانعان جەكە قاۋلى شىعارىلىپ, وندا كاسىپورىننىڭ قاۋىپسىزدىك جۇيەسى مەن قارجىلىق باقىلاۋ سالاسىندا ورىن العان ەلەۋلى ولقىلىقتار كورسەتىلگەن.
ارام اقشاعا قۇنىققان الاياق التى جىلعا سوتتالدى
سوت اۋەجايدىڭ بۇرىنعى پرەزيدەنتىن كىنالى دەپ تانىپ, 8 جىلعا باس بوستاندىعىنان ايىرۋ جازاسىن تاعايىندادى. بۇدان بولەك, ول مەملەكەتكە 120 ملن تەڭگە كولەمىندە شىعىندى وتەۋگە مىندەتتەلدى. سوت ۇكىمى جاريالانعاننان كەيىن ول قاماۋعا الىندى. ۇكىم زاڭدى كۇشىنە ەنگەن.
كولىك جۇرگىزۋ قۇقىعى جوق ازامات بوتەننىڭ اۆتوكولىگىن ايداپ كەتكەنى ءۇشىن سوتتالدى