پرەزيدەنت قاسىم-جومارت توقاەۆ شەيح حاماد بەن يسا ءال حاليفامەن تاياۋ شىعىستاعى احۋالدى تالقىلاپ, ەلىمىز قازىرگى قيىن-قىستاۋ شاقتا باحرەين حالقىنا تىلەكتەس ەكەنىن ايتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى يرانعا قارسى سوعىسقا قاتىسپاعان باحرەين مەن باسقا دا ەلدەردىڭ ازاماتتىق ينفراقۇرىلىمىن زىمىرانمەن اتقىلاۋعا الاڭداۋشىلىق ءبىلدىردى.
قاسىم-جومارت توقاەۆ قازاقستان جاعدايدى ودان ءارى ۋشىقتىرماي, قاقتىعىستى ديالوگ جانە ديپلوماتيا جولىمەن بەيبىت تۇردە شەشۋدى قۇپتايتىنىن جەتكىزدى.
مەملەكەت باسشىسى بوسنيا جانە گەرتسەگوۆينانىڭ تورالقا توراعاسىن قۇتتىقتادى
ءوز كەزەگىندە كورول حاماد بەن يسا ءال حاليفا ۇدايى قولداۋ كورسەتكەنى ءۇشىن قازاقستان پرەزيدەنتىنە العىس ايتتى. سونداي-اق ساۋدا-ەكونوميكالىق جانە ينۆەستيتسيالىق بايلانىستارعا باسا ءمان بەرە وتىرىپ, ەكىجاقتى ىنتىماقتاستىقتى ودان ءارى جانداندىرۋعا نيەتتى ەكەنىن راستادى.
توقاەۆ تاياۋ شىعىستاعى احۋالعا بايلانىستى بىرنەشە ەلدىڭ باسشىلارىمەن سويلەستى
تاراپتار قازاقستان-باحرەين اراسىنداعى دوستىق قاتىناس پەن سەرىكتەستىكتى ودان ءارى نىعايتۋعا بەيىل ەكەنىن جەتكىزىپ, قاسيەتتى رامازان ايىندا ەكى ەل حالقىنا بەيبىت ءومىر, باق-بەرەكە تىلەدى.
قاسىم-جومارت توقاەۆ يوردانيا حالقىنا قولداۋ ءبىلدىردى