اباي وبلىسىنىڭ اياگوز قالاسىنداعى №5 مەكتەپتىڭ 6-سىنىپ وقۋشىسى ماليكا تۇرسىن زاماناۋي تەحنولوگيالارمەن جابدىقتالعان سمارت-سومكە جاساپ شىعاردى. العاش كورگەندە كادىمگى ريۋكزاكقا ۇقسايتىن بۇيىمنىڭ باستى ەرەكشەلىگى – بالالاردىڭ قاۋىپسىزدىگىن ارتتىرۋعا باعىتتالعان فۋنكتسيالارىنىڭ بولۋى, دەپ جازادى Egemen.kz.
جاس ونەرتاپقىش يدەيانى تەحنولوگيا ءپانىنىڭ مۇعالىمىمەن بىرگە تالقىلاپ, سومكەنىڭ قىزمەتىنەن باستاپ سىرتقى كەلبەتىنە دەيىن مۇقيات پىسىقتاعان.
ارمانىن عارىشقا سامعاتقان جاس ونەرتاپقىش
وقۋشىنىڭ ايتۋىنشا, ول ەرەكشە دۇنيە تىگۋدى ماقسات ەتكەن. وتباسىندا قولونەرگە جاقىن جاندار كوپ بولعاندىقتان, بۇل سالا وعان تاڭسىق ەمەس. م. تۇرسىن مۇعالىمىمەن اقىلداسا كەلە, بالالاردىڭ قاۋىپسىزدىگىنە ءمان بەرۋدى ءجون كورگەن. ياعني, جوبادا قاۋىپسىزدىككە باسىمدىق بەرىلگەن.
ناتيجەسىندە سمارت-سومكەگە: – GPS-ترەكەر, – كىرىكتىرىلگەن powerbank, – جارىق شاعىلىستىراتىن ەلەمەنتتەر ورناتىلعان.
سومكە ديزاينىنا قازاقى ويۋ-ورنەك ەنگىزىلگەن. وسىلايشا, جوبا ۇلتتىق ناقىش پەن زاماناۋي تەحنولوگيانى ۇيلەستىرگەن.
جوبا جەتەكشىسى اسەل قوڭىرباەۆا سومكەنىڭ ءار بولشەگى مۇقيات تاڭدالعانىن تىلگە تيەك ەتتى. ونىڭ ايتۋىنشا, كەيدە بالالار ۇيگە كەش قايتادى – سوندىقتان جوباعا جارىق شاعىلىستىراتىن ەلەمەنتتەر قوسىلعان. ال GPS-ترەكەر ارقىلى اتا-انا بالاسىنىڭ قاي جەردە ەكەنىن بىلە الادى.
جوباعا «Ayagoz Brand Smart» اتاۋى بەرىلگەن. وقۋشى ءوز تۋىندىسىن ءتۇرلى دەڭگەيدەگى بايقاۋلارعا ۇسىنىپ, جۇلدەلى ورىندارعا يە بولعان. قازىردىڭ وزىندە ءۇش سمارت-سومكە تىگىلگەن.
ەلوردادا جاس ونەرتاپقىشتار جارىسى ءوتتى
سىنىپتاستارى دا جاڭا ونىمگە قىزىعۋشىلىق تانىتىپ وتىر. ولاردىڭ ايتۋىنشا, ۇلتتىق ستيلدەگى ءارى تەلەفون قۋاتتاۋعا مۇمكىندىك بەرەتىن سومكەلەرگە سۇرانىس جوعارى بولماق.
ماليكا ەندى ءوز ءونىمىنىڭ كەڭىنەن تانىلىپ, دۇكەن سورەلەرىنە قويىلۋىن ارماندايدى. بۇل جوبا – وقۋشى شىعارماشىلىعىن قولداۋدىڭ جانە ۇلتتىق قۇندىلىقتاردى دارىپتەۋدىڭ ناقتى ۇلگىسى.
جاس ونەرتاپقىشتاردىڭ الەۋەتى: يدەيالار نەلىكتەن وندىرىسكە جەتپەي قالادى؟