پرەزيدەنت قاسىم-جومارت توقاەۆ قاتار مەملەكەتىنىڭ امىرىمەن,ء باا پرەزيدەنتى شەيح مۇحاممەد بەن زايد ءال ناحايانمەن تەلەفون ارقىلى سويلەستى, دەپ حابارلايدى Egemen.kz.
مەملەكەت باسشىسى قاسىم-جومارت توقاەۆ شەيح ءتاميم بەن حاماد ءال تانيمەن اڭگىمەلەسۋ بارىسىندا تاياۋ شىعىستاعى احۋالدى تالقىلادى.
پرەزيدەنت ايماقتا قاقتىعىستىڭ ءورشىپ كەتكەنىنە الاڭداۋشىلىق ءبىلدىرىپ, وسىناۋ كۇردەلى كەزەڭدە ءامىر مەن باۋىرلاس قاتار حالقىنا تىلەكتەس ەكەنىن ايتتى.
شەيح ءتاميم بەن حاماد ءال ءتاني قازاقستاننىڭ ۇدايى قولداۋى ءۇشىن ريزاشىلىعىن جەتكىزىپ, ەكى ەل اراسىنداعى سان قىرلى قارىم-قاتىناستى دوستىق جانە ستراتەگيالىق سەرىكتەستىك رۋحىندا ودان ءارى نىعايتۋعا نيەتتى ەكەنىن راستادى.
قازاقستان پرەزيدەنتى قاسيەتتى رامازان ايىندا قاتار ءامىرىنىڭ مەملەكەتتىك قىزمەتىنە تابىس, ال باۋىرلاس قاتار حالقىنا بەيبىتشىلىك پەن باق-بەرەكە تىلەدى.
سونىمەن قاتار, مەملەكەت باسشىسى قاسىم-جومارت توقاەۆ ءباا پرەزيدەنتى شەيح مۇحاممەد بەن زايد ءال ناحايانمەن تەلەفون ارقىلى سويلەستى.
قازاقستان پرەزيدەنتى تاياۋ شىعىستاعى احۋالدىڭ ۋشىعۋىنا الاڭداۋشىلىق ءبىلدىرىپ, امىرلىكتەردىڭ باسشىلىعى مەن بارشا حالقىنا شىنايى قۇرمەتىن, قولداۋى مەن تىلەكتەستىگىن جەتكىزدى. قاسىم-جومارت توقاەۆ قارۋلى قاقتىعىس بارىسىندا بىرىككەن اراب امىرلىكتەرىنىڭ ازاماتتىق ينفراقۇرىلىمىنا زاقىم كەلگەنىنە قىنجىلاتىنىن ايتتى.
«قازاقستان بىرىككەن اراب امىرلىكتەرىن دوستاس ءارى باۋىرلاس ەل رەتىندە قاراستىرادى, قاجەت جاعدايدا قال-قادەرىنشە كومەكتەسۋگە دايىن», دەدى قازاقستان پرەزيدەنتى.مەملەكەت باسشىسى ءباا ازاماتتىق نىساندارىنا, سونداي-اق شىعاناقتاعى باسقا دا ەلدەرگە جاسالعان شابۋىل قاتاڭ ايىپتالۋى كەرەك دەپ سانايدى. شەيح مۇحاممەد بەن زايد ءال ناحايان ەلىمىزدىڭ قولداۋىن جوعارى باعالاپ, قازىرگى حالىقارالىق داعدارىستى ەڭسەرۋدە كومەك كورسەتۋگە ىقىلاس تانىتقانى ءۇشىن ريزاشىلىعىن ءبىلدىردى. اڭگىمەلەسۋ بارىسىندا تاراپتار قازاقستان مەن ءباا اراسىنداعى دوستىق قارىم-قاتىناس پەن ستراتەگيالىق سەرىكتەستىكتى نىعايتۋعا بەيىل ەكەنىن راستادى. سونداي-اق قاسيەتتى رامازان ايىندا ەكى ەلدىڭ حالقىنا بەيبىتشىلىك پەن باق-بەرەكە تىلەدى.