تانىمال ءانشى ديماش قۇدايبەرگەن وليمپيادا چەمپيونى ميحايل شايدوروۆقا ۋادە ەتكەن اۆتوكولىگىن سىيعا تارتتى, دەپ حابارلايدى Egemen.kz.
كولىكتى تابىستاپ جاتقان ءساتىن ديماش ءوزىنىڭ Instagram پاراقشاسىندا جاريالادى.
سىيعا بەرىلگەن Hyundai Palisade اۆتوكولىگىنىڭ سىرتىندا ارنايى جازۋى, مەدال بەينەسى جانە قازاقتىڭ ويۋ-ورنەكتەرى بەينەلەنگەن.
سالتاناتتى ساتتە تانىمال تۇلعالار ەستەلىك سىيلىقتارمەن دە الماستى. ميحايل شايدوروۆ مانەرلەپ سىرعاناۋدا قولداناتىن كونكيىنە قولتاڭبا قالدىرسا, ديماش دومبىراعا قولتاڭباسىن جازىپ, ءبىر-بىرىنە تابىستادى.
ايتا كەتەيىك, مانەرلەپ سىرعاناۋشى ءوزىنىڭ سەنساتسيالىق چەمپيوندىق باعدارلاماسىن Confessa جانە The Diva Dance كومپوزيتسيالارىنا ورىندادى. بۇل تۋىندىلاردى ديماش قۇدايبەرگەن شىرقايدى.
ميحايل شايدوروۆ يتاليادا وتكەن وليمپيادا ويىندارىندا جەڭىسكە جەتكەننەن كەيىن ديماش وعان اۆتوكولىك سىيلايتىنىن ۋادە ەتكەن ەدى.