قازاقستان مۇسىلماندارى ءدىني باسقارماسى ەكپە دەنەگە سالىناتىندىقتان ورازانى بۇزبايتىنىن مالىمدەدى. ءمۇفتيات تۇسىندىرمەسىنە سۇيەنسەك, شاريعات بويىنشا ادام اعزاسىنا تابيعي جولدار (اۋىز, مۇرىن, تىك ىشەك) ارقىلى كىرگەن نارسە عانا ورازانى بۇزادى, دەپ جازادى Egemen.kz.
يمام ءابۋ يۋسۋف پەن يمام مۇحاممەد (اللا ولاردى راقىم ەتسىن) بۇل جايىندا: «قارىنداعى جانە باستاعى تەرەڭ جارانى ەمدەۋ ورازانى بۇزبايدى. ويتكەنى (ورازا بۇزىلۋ ءۇشىن وعان قولدانىلاتىن) ءدارى ىشكە نەگىزگى (تابيعي) جولدارمەن بارۋى شارت. ال ىشكە باراتىن جولدىڭ تىعىزدىعىنان جانە ەمدەلۋ بارىسىندا ونىڭ بىتەلىپ قالۋىنان جارا ارقىلى ءدارىنىڭ ىشكە جەتۋى ەكىتالاي», دەپ تۇجىرىم جاسايدى ء(«ال-فيقھ ءال-حانافي ءۋا ءاديللاتۋھۋ», 1/392).
اللەرگياسى بار ادامدار ورازانى قالاي ۇستايدى؟
قازىر عالىمدار ەكپە ارقىلى سالىناتىن دارىلەردى اس-سۋ سياقتى دەنەگە ازىق, قۋات بولاتىن جانە ەمدەلۋ ءۇشىن (دەنەگە قۋات, ازىق بولمايتىن) ەتىپ, ەكىگە ءبولىپ قاراستىرادى. ولار: «تەرى استىنا جانە بۇلشىق ەتكە ەمدەلۋ ءۇشىن (دەنەگە قۋات, ازىق بولمايتىن) ينە سالسا, اۋىز اشىلمايدى», دەپ ايتادى. بىراق كوك تامىرعا ەكپە سالۋ (قان قۇيۋدان باسقا) ماسەلەسىندە عالىمداردىڭ كوزقاراسى ءارتۇرلى. عالىمداردىڭ كوبى «تامىرعا سالىناتىن ينە دەنەگە قۋات, ازىق بولماسا, ورازا بۇزىلمايدى» دەيدى ء(«ال-مۋفاسسال في ءال-فيقھ ءال-حانافي», 276-بەت).
ورازا كەزىندە قانداي تاعامداردى شەكتەۋ كەرەك؟
ەكپە (ۆاكتسينا) – باكتەريا, ۆيرۋس سەكىلدى ميكروورگانيزمدەردەن الىنىپ, ادام ورگانيزمىنە جۇقپالى اۋرۋلاردان الدىن الا ساقتانۋ جانە ولاردىڭ يممۋندىق قاسيەتىن ارتتىرۋ ءۇشىن ەگىلەتىن پرەپارات. ول قاجەتتى ازىق نەمەسە ورگانيزمگە قۋات بەرەتىن دارۋمەن ەمەس. سوندىقتان ادام دەنەسىنە (تەرى استىنا, بۇلشىق ەتكە, جامباسقا, كوك تامىرعا) ينەمەن ەكپە ەگۋ ورازانى بۇزبايدى.
ورازا ۇستاۋدىڭ قانداي ادەپتەرى بار؟