ستەنداپ كەشى تايلاندتاعى پحۋكەت ارالىندا, Royal Phuket City Hotel قوناقۇيىنىڭ كونفەرەنتس-زالىندا ءوتتى. ازىلكەش ساحناعا شىعا سالىسىمەن ءوزىن-ءوزى ءاجۋالاپ, كورەرمەندەردىڭ «قىلمىسكەردى كورۋگە كەلگەنىن» ايتىپ قالجىڭدادى, دەپ حابارلايدى Egemen.kz.
ايتا كەتەيىك, بۇل ازىلكەشتىڭ رەسەي فەدەراتسياسىنا كىرۋگە تىيىم سالىنعاننان كەيىنگى العاشقى كونتسەرتى.
«مەن رەسەيگە قايتۋدى جوسپارلاپ وتىرمىن», دەدى نۇرلان سابۋروۆ.
ازىلكەش ءوزىنىڭ باسىنداعى جاعدايدى يرونيامەن جەتكىزىپ, ەندى «سۋپەرپاتريوتتىق كونتسەرتتەر قوياتىن شىعارمىن» دەپ ازىلدەدى.
ايتا كەتەيىك, بۇعان دەيىن ازىلكەشكە رەسەيگە 50 جىلعا كىرۋگە تىيىم سالىنعانىن حابارلاعان ەدىك. ول بۇل شەشىم تۋرالى ماسكەۋگە ۇشىپ بارعان كەزدە بىلگەن, كەيىن بىردەن الماتىعا ۇشىپ كەتكەن. وقيعا الەۋمەتتىك جەلىلەردە قىزۋ تالقىلاندى.
رەسەيدەن قۋىلعان نۇرلان سابۋروۆ العاش رەت مالىمدەمە جاسادى