ەۋرازيالىق ەكونوميكالىق كوميسسيا (ەەك) كەڭەسىنىڭ كەزەكتى وتىرىسى ءوتتى. وتىرىسقا قاتىسۋشىلار ەاوە-عا مۇشە مەملەكەتتەردە عىلىمي اتاقتار تۋرالى قۇجاتتاردى ءوزارا تانۋ جونىندەگى كەلىسىمدى ماقۇلدادى.
قۇجات ەڭبەك كوشى-قونى كەزىندە عىلىمي اتاقتاردى تىكەلەي تانۋدى كوزدەيدى. بۇل اتاق يەلەرىنە وداقتىڭ باسقا ەلدەرىندە بەرىلگەن بىلىكتىلىگىنە سايكەس جۇمىس ىستەۋگە مۇمكىندىك بەرەدى.
جۇمىسقا ورنالاساتىن مەملەكەتتە ساراپتاما ناتيجەسىندە تەرىس شەشىم قابىلدانباعان بولسا, كەلىسىم كۇشىنە ەنگەنگە دەيىن بەرىلگەن قۇجاتتار دا رەسمي مويىندالادى. ەندى اتالعان كەلىسىم راتيفيكاتسيالاۋ ماقساتىندا ەاەو ەلدەرىنە جولدانباق. وسى ۇدەرىستەن كەيىن قۇجات كۇشىنە ەنەدى.
سونداي-اق ەەك كەڭەسىندە ەاەو-عا مۇشە مەملەكەتتەردىڭ زياتكەرلىك كولىك جۇيەلەرىنىڭ ءوزارا ءىس-قيمىلىن جەتىلدىرۋ تۇجىرىمداماسىن جۇزەگە اسىرۋ جونىندەگى جول كارتاسى بەكىتىلدى. بيىل اقپاراتتىق ءوزارا ءىس-قيمىلدىڭ بازالىق سەرۆيستەرىن ايقىنداۋ, دەرەكتەر الماسۋ فورماتى بويىنشا ۇسىنىستار ازىرلەۋ جانە ءتيىستى قۇقىقتىق بازانى قالىپتاستىرۋ جوسپارلانىپ وتىر.
وتىرىس قورىتىندىسىندا ەاەو كەدەندىك اۋماعىندا ۆەتەرينارلىق دارىلىك زاتتاردىڭ اينالىسىن رەتتەۋ قاعيدالارىنىڭ جەكەلەگەن ەرەجەلەرىن, سونداي-اق تەحنيكالىق رەگلامەنتتەردى ازىرلەۋ جوسپارىن وزەكتەندىرۋ تۋرالى شەشىم قابىلداندى.
ەسكە سالساق, بيىل ەەك كەڭەسىنە ەلىمىز توراعالىق ەتەدى, ونى پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين باسقارادى.