وتكەن جىلى اقتوبە وبلىسىندا 35 ەلدى مەكەن اراق-شاراپ ونىمدەرىن ساتۋدان باس تارتقان ەدى. بيىل «قاۋىپسىز اۋلا» جانە «الكوگولسىز اۋلا» جەدەل-پروفيلاكتيكالىق ءىس-شارالارى اياسىندا اقتوبە وبلىسىنىڭ ءتورت اۋدانىنداعى تاعى بەس اۋىل سپيرتتىك ىشىمدىكتەردەن باس تارتۋعا شەشىم قابىلدادى. ناتيجەسىندە وڭىردەگى «اراقسىز» ەلدى مەكەندەردىڭ جالپى سانى 40-قا جەتتى, دەپ حابارلايدى Egemen.kz.
پوليتسيا دەپارتامەنتى جۇرگىزىلگەن تالداۋ ناتيجەلەرى ىشىمدىكتەن باس تارتقان اۋىلداردا قىلمىس دەڭگەيى تومەندەپ كەتكەنىن كورسەتىپ وتىر. الداعى ۋاقىتتا بىرقاتار اۋداندا وسى باعىتتاعى جۇمىستى جانداندىرۋ قاجەت.
اراق ىشكەن ادام 40 كۇنگە دەيىن ورازا ۇستاي الماي ما؟
ايتا كەتۋ كەرەك, العا, حرومتاۋ جانە قارعالى اۋداندارىندا اراق-شاراپ ساتۋدان باس تارتقان اۋىلدار سانى ازىرگە از. تاجىريبە كورسەتكەندەي, الكوگولدەن باس تارتۋ قۇقىق بۇزۋشىلىقتار سانىنىڭ ازايۋىنا تىكەلەي اسەر ەتەدى. ماسەلەن, شالقار اۋدانىنداعى شەتىرعىز اۋىلىنىڭ تۇرعىندارى 2020 جىلى سپيرتتىك ىشىمدىكتەردى ساتۋدان باس تارتقان. سونىڭ ناتيجەسىندە سوڭعى التى جىلدا وسى ەلدى مەكەندە بىردە-ءبىر قىلمىس تىركەلمەگەن.
رامازان ايىندا پويىزداردا الكوگول ونىمدەرى ساتىلمايدى
«اراقسىز اۋىل» اكتسياسىنا قوسىلاتىن ەلدى مەكەندەر سانىن ارتتىرۋ جۇمىستارى الداعى ۋاقىتتا دا جالعاسادى.
سىر وڭىرىندە تاعى ءبىر اۋىل اراقتان باس تارتتى