قاراعاندىدا وتكەن وبلىستىق جەكپە-جەك جارىسىنان كەيىن 18 جاستاعى ارسلان اتىمتاەۆ جانساقتاۋ بولىمىنە ءتۇستى. جاس سپورتشىنىڭ تۋىستارى تۋرنير ۇيىمداستىرۋشىلارىنىڭ ارەكەتىنە نارازىلىق ءبىلدىرىپ, پوليتسياعا ارىز جازدى, دەپ جازادى Egemen.kz كتك تەلەارناسىنا سىلتەمە جاساپ.
18 جاستاعى ارسلان اتىمتاەۆقا ميىنا كۇردەلى وتا جاسالعان. الايدا ونىڭ جاعدايى ءالى دە اۋىر كۇيىندە قالىپ وتىر.
سپورتشىنىڭ تۋىستارى قۇقىق قورعاۋ ورگاندارىنا جۇگىنىپ, قىلمىستىق ءىس قوزعالدى. ولار جاۋاپكەرشىلىكتى ارسلاننىڭ قارسىلاسىنا ەمەس, تۋرنير ۇيىمداستىرۋشىلارىنا جۇكتەۋ كەرەك دەپ ەسەپتەيدى.
ارسلاننىڭ اپاسى باقىتجان قاليەۆانىڭ ايتۋىنشا, جەكپە-جەك كەزىندە تىيىم سالىنعان ءادىس قولدانىلعانى تۋرالى ەسكەرتۋلەر بولعان. ونىڭ سوزىنشە, سپورتشى باسىمەن قۇلاعان ساتتە تورەشىلەر جەكپە-جەكتى دەرەۋ توقتاتىپ, ونىڭ جاعدايىن تەكسەرۋى ءتيىس ەدى.
«بالا باسىمەن قۇلاعان كەزدە ولار جەكپە-جەكتى توقتاتىپ, جاعدايىن باعالاۋعا مىندەتتى بولاتىن. الايدا ۇيىمداستىرۋشىلار, جاتتىقتىرۋشى مەن تورەشىلەر جاۋاپكەرشىلىكتەن جالتارىپ وتىر», دەيدى ول.
تۋىستارىنىڭ ايتۋىنشا, جەدەل جاردەم شاقىرىلماي, سپورتشىنى اۋرۋحاناعا جەكە كولىكپەن جەتكىزگەن. سونىڭ سالدارىنان مەديتسينالىق كومەك دەر كەزىندە كورسەتىلمەدى دەپ سانايدى ولار. سونىمەن قاتار, جەتكىزىلگەن مەديتسينالىق مەكەمەدە نەيروحيرۋرگ بولماعان. ماماندى باسقا كلينيكادان كۇتىپ, وپەراتسيا جاساۋعا شامامەن ءۇش ساعات كەتكەن.
ال جارىس ۇيىمداستىرۋشىلارى بارلىق ارەكەت رەگلامەنتكە سايكەس جۇرگىزىلگەنىن ايتىپ, كىنانى مويىنداماي وتىر. قاراعاندى وبلىستىق جەكپە-جەك فەدەراتسياسىنىڭ پرەزيدەنتى ادىلەت نۇرماديەۆ بۇل ءادىس تىيىم سالىنعان تاسىلگە جاتپايتىنىن مالىمدەدى. ونىڭ ايتۋىنشا, باس تورەشى جەكپە-جەكتى ارسلان تاراپىنان بەلسەندى ارەكەت بولماعاندىقتان توقتاتقان.
حرومتاۋدا گاز جارىلدى: 5 ادامدى كۇيىك شالدى, ءبىر ادام جانساقتاۋ بولىمىندە جاتىر
قازىرگى تاڭدا قىلمىستىق ءىس قوزعالدى. زاڭ بويىنشا جاۋاپكەرشىلىك سپورتشىنىڭ قارسىلاسىنا جۇكتەلۋى مۇمكىن. الايدا جابىرلەنۋشى تاراپ جاتتىقتىرۋشى مەن تورەشىلەردىڭ دە ارەكەتىنە قۇقىقتىق باعا بەرۋدى تالاپ ەتىپ وتىر.
الماتى-2 تەمىرجول بەكەتىندە 52 ادام تابيعي گازدان ۋلاندى: ەكى بالا جانساقتاۋ بولىمىندە