تاراز قالاسىندا 13 جاستاعى قىزدىڭ ۇرلانۋىنا جول بەرمەگەن ەر ازامات ماراپاتتالدى, دەپ حابارلايدى Egemen.kz.
جامبىل وبلىستىق پوليتسيا دەپارتامەنتىنىڭ عيماراتىندا شاھار تۇرعىنى نۇركەن وماروۆتى ماراپاتتاۋ ءراسىمى ۇيىمداستىرىلدى. ول 13 جاستاعى قىزدى ۇرلاۋ دەرەگىنىڭ الدىن العان بولاتىن.
تارازدا وقۋشى قىزدى ۇرلاماق بولعان اعايىندىلار قاماۋعا الىندى
ناقتىراق ايتساق, بۇعان دەيىن بەلگىسىز ەكى ازامات اۆتوكولىكپەن كەلىپ, قوعامدىق كولىك ايالداماسىندا تۇرعان قىز بالانى الىپ كەتپەك بولعان ەدى. الايدا بۇل جاعدايعا بەيجاي قاراماعان تارازدىق ازامات جەدەل ىسكە كىرىسىپ, 13 جاستاعى قىزدى قۇتقارىپ قالعان بولاتىن. ال كۇدىكتىلەر جەدەل انىقتالىپ, پوليتسيا قىزمەتكەرلەرىنىڭ ءابجىل قيمىلىنىڭ ارقاسىندا ۇستالدى. قازىر سوتقا دەيىنگى تەرگەپ-تەكسەرۋ جۇمىسى جۇرگىزىلىپ جاتىر.
تارازدا مەكتەپ وقۋشىسىن ۇرلاماق بولعان ەكى كۇدىكتى ۇستالدى
جامبىل وبلىستىق پوليتسيا دەپارتامەنتىنىڭ باستىعى قايسار سۇلتانباەۆ تارازدىق نۇركەن وماروۆقا ىشكى ىستەر ءمينيسترى ەرجان سادەنوۆتىڭ اتىنان العىس ايتتى.
«كەيدە ەرلىك لاۋازىممەن دە, فورمامەن دە ولشەنبەيدى. ول قيىن جاعدايدا شۇعىل شەشىم قابىلداپ, كومەك بەرۋدىڭ ارقاسىندا ايقىندالسا كەرەك. ءسىزدىڭ جەدەل ارەكەتىڭىزدىڭ ارقاسىندا ءجاسوسپىرىمنىڭ قاۋىپسىزدىگى قامتاماسىز ەتىلدى. بۇل ءبىر وتباسىنىڭ عانا ەمەس, تۇتاس قوعامنىڭ تىنىشتىعىنا قوسىلعان ۇلەس دەپ بىلەمىن», دەدى پوليتسيا دەپارتامەنتىنىڭ باسشىسى نۇركەن وماروۆقا ريزاشىلىعىن جەتكىزىپ.