زايسان اۋدانى اۋماعىندا تۇلكى تىستەگەن ءىرى قارا مال اراسىندا قۇتىرۋ اۋرۋى تىركەلدى. بۇل تۋرالى وبلىستىق ۆەتەريناريا باسقارماسىنىڭ باسشىسى راميل ساعاندىقوۆ مالىمدەدى, دەپ جازادى Egemen.kz.
ونىڭ ايتۋىنشا, وقيعا بيىل بولعان. ىندەت تاراتقان تۇلكى دەرەۋ ۇستالىپ, دياگنوستيكالىق زەرتتەۋ جاسالعان. ناتيجەسىندە جانۋاردان قۇتىرۋ ۆيرۋسى انىقتالعان. اۋرۋ وشاعى بەلگىلى بولعان سوڭ ماماندار ءىرى قارا مال باسىن جەدەل تەكسەرۋدەن وتكىزدى. زەرتحانالىق ساراپتاما قورىتىندىسى بويىنشا بەس سيىردىڭ قۇتىرۋ جۇقتىرعانى راستالدى.
اۋەدەن بارلاۋ: شىعىس قازاقستانداعى سۋ تاسقىنى قاۋپى بار ايماقتار تەكسەرىلدى
ينفەكتسيا وشاعىندا بارلىق قاجەتتى ەپيزووتياعا قارسى ءىس-شارالار شۇعىل تۇردە جۇرگىزىلدى. شەكتەۋ شارالارى ەنگىزىلىپ, جانۋارلار وقشاۋلاندى جانە كەشەندى سانيتارلىق وڭدەۋ جۇمىستارى اتقارىلدى.
باسقارما باسشىسى وتكەن جىلى وسىنداي جاعداي كورشىلەس تارباعاتاي اۋدانىندا تىركەلگەنىن اتاپ ءوتتى. ول كەزدە تۇلكى ءۇي جانۋارىن تىستەگەنىمەن, زەرتحانالىق تەكسەرۋ ناتيجەسىندە قۇتىرۋ ۆيرۋسى تابىلماعانى ايتىلدى.
شىعىس قازاقستان جاستارى رەفەرەندۋمدى قولدايدى
ماماندار قۇتىرۋدىڭ اسا قاۋىپتى اۋرۋ ەكەنىن ەسكە سالىپ, اۋىل شارۋاشىلىعى جانۋارلارىنىڭ يەلەرىن ۋاقىتىلى ۆاكتسيناتسيا جۇرگىزۋگە شاقىرادى.