قاسيەتتى رامازان ايىندا شىعىس قازاقستان وبلىستىق مەشىتىنە بەلگىلى قوعام جانە ءدىن قايراتكەرى, تۇركىتانۋشى, حالىقارالىق «الاش» سىيلىعىنىڭ يەگەرى, حاليفا التايدىڭ ەسىمى بەرىلدى. وسىدان ءۇش جىل بۇرىن اشىلىپ, از ۋاقىتتا ءوڭىردىڭ بىرەگەي رۋحاني ءھام كەلىسىم ورتالىعىنا اينالعان شىعىس قازاقستان وبلىستىق مەشىتىنىڭ باس يمامى نۇرلان قاجى اسانوۆتىڭ ايتۋىنشا, تاياۋدا ءوڭىر ارداگەرلەرى مەن جۇرتشىلىعىنىڭ ۇسىنىسىمەن مەشىتكە حاليفا التايدىڭ ەسىمىن بەرۋ جونىندەگى ماسەلە كوتەرىلگەن بولاتىن. باستاما قازاقستان مۇسىلماندارى ءدىني باسقارماسىنىڭ تورالقاسىندا تالقىلانىپ, ءبىراۋىزدان قولداۋ تاپتى.
دۋمان اناش,
«ەگەمەن قازاقستان».
وسكەمەن.