تۇركىستان وبلىسىنىڭ سوزاقتان باسقا بارلىق اۋدان, قالاسى گازبەن قامتىلعان, تەك اتالعان اۋداندا بۇل ماسەلە شەشىلمەگەن ەدى. ەندى سوزاقتىڭ تۇرعىندارى دا گازدىڭ يگىلىگىن كورىپ, تۇرمىس ساپاسىن جاقسارتادى. اۋداندا اگتس-ى بار ماگيسترالدى گاز قۇبىرى, شولاققورعان اۋىلدىق وكرۋگىندە تابيعي گازبەن جابدىقتاۋ جەلىلەرى ىسكە قوسىلدى, دەپ حابارلايدى Egemen.kz.
«گازبەن قامتۋ بويىنشا 2025 جىلى وبلىسىمىزدا 87 نىساننىڭ قۇرىلىسى قولعا الىندى. سونىڭ ىشىندە 45 جوبانىڭ قۇرىلىسى اياقتالىپ, 70 مىڭ حالقى بار 41 ەلدى مەكەن تابيعي گازبەن قامتىلدى. وتكەن جىلدىڭ قورىتىندىسى بويىنشا 606 ەلدى مەكەن گازبەن قامتىلىپ, 1,9 ملن-نان استام تۇرعىن «كوگىلدىر وتىننىڭ» يگىلىگىن كوردى. بۇگىن ىسكە قوسىلعان جوبا – سول جۇمىستاردىڭ ناقتى ناتيجەسى», دەدى سالتاناتتى شارادا اۋدان تۇرعىندارىن تاريحي وقيعامەن قۇتتىقتاعان وبلىس اكىمى نۇرالحان كوشەروۆ.
سالتاناتتى شارا بارىسىندا شولاققورعان اۋىلدىق وكرۋگىندەگى تابيعي گاز جەلىلەرى رەسمي تۇردە ىسكە قوسىلىپ, تۇرعىن ۇيدە گاز جاعۋ ءراسىمى وتكىزىلدى. جوبانىڭ جالپى قۇنى – 4,1 ملرد تەڭگە, قۋاتتىلىعى – 30 000 م³/ساعات.
تۇركىستان وبلىسىندا شالعايداعى اۋىلدار تابيعي گازعا قوسىلدى
ايتا كەتەيىك, قۇرىلىس مەرزىمى 2019 جىلى باستالىپ, 2025 جىلدىڭ جەلتوقسان ايىندا اياقتالدى. اتالعان جوبا تولىق ىسكە قوسىلعان جاعدايدا شولاققورعان اۋىلدىق وكرۋگىندەگى 4 600 تۇرعىن ءۇي تابيعي گازبەن قامتىلادى.
ءبىر جىل ىشىندە 123 ەلدى مەكەن تابيعي گازبەن قامتىلدى