يتاليادا ءوتىپ جاتقان 2026 جىلعى وليمپيادا ويىندارىندا شاڭعى قوسسايىسىنان جارىستار باستالدى, دەپ جازادى Egemen.kz.
بۇل سپورت تۇرىندە ەل اتىنان شىڭعىس راكپاروۆ ونەر كورسەتىپ جاتىر. ول مانسابىندا ەكىنشى رەت وليمپيادا ويىندارىنىڭ ىرىكتەۋىنەن ءساتتى ءوتتى.
جارىس اياسىندا الدىمەن شاڭعىمەن تۇعىردان سەكىرۋ سايىسى (قالىپتى تۇعىر) ۇيىمداستىرىلدى.
قىسقى وليمپيادا: فريستايل-موگۋلدان پاۆەل كولماكوۆ فينالعا شىقتى
راكپاروۆ بۇل كەزەڭدە 87,9 ۇپاي جينادى. گۋندەرسەن جۇيەسىنە سايكەس, شاڭعى جارىسىندا ول سەكىرۋدەن ەڭ جوعارى ناتيجە كورسەتكەن سپورتشىدان 2 مينۋت 59 سەكۋند ايىرماشىلىقپەن جارىس جولىنا شىعادى.
بۇگىندە بۇل سىننىڭ ارالىق ناتيجەدە ەستونيالىق كريستيان يلۆەس كوش باستاپ تۇر.
ميحايل شايدوروۆ قىسقا باعدارلامادا قالاي ونەر كورسەتتى؟
شاڭعى قوسسايىسىنىڭ ەكىنشى كەزەڭى بۇگىن وتەدى. جارىس استانا ۋاقىتىمەن 17:15-تە باستالادى.
ايتا كەتەيىك, بۇگىن وتانداستارىمىز فريستايل-موگۋل مەن بياتلوننىڭ جەكەلەي جارىسىندا باق سىنايدى.