وتكەن تاۋلىكتە قاتتى اياز بەن اقتۇتەك بورانعا بايلانىستى اقتوبە وبلىسىندا اۆتوجولدار ۋاقىتشا جابىلدى. كۇن رايى قاتتى بۇزىلعاندا اۆتوكولىكپەن جولعا شىقپاۋ جونىندەگى ەسكەرتۋلەردى ەلەمەيتىندەر وسى جولى دا كوپ بولدى. مۇعالجار, تەمىر, بايعانين اۋداندارىندا توتەنشە جاعدايلار قىزمەتكەرلەرى مەن پوليتسەيلەر جولدا قالعانداردى ءتۇنى بويى ارنايى ۇيىمداستىرىلعان جىلىتۋ پۋنكتتەرىنە جەتكىزدى, دەپ حابارلايدى Egemen.kz.
اقتۇتەك بوراندا ادامداردى قۇتقارعانداردىڭ ءبىرى بايعانين اۋدانىنداعى پاترۋلدىك پوليتسيا قىزمەتكەرى – ولجاس ءتالىپوۆ.
اقتوبە وبلىسىندا جولدا قالىپ قويعان 400 جولاۋشى پويىزبەن تەگىن جەتكىزىلدى
پاترۋلدىك پوليتسيا قىزمەتكەرلەرى «اتىراۋ − اقتوبە» تاسجولىنىڭ بويىندا قالعان جولاۋشىلاردى قاراۋىلكەلدى ەلدى مەكەنىندەگى دەنە شىنىقتىرۋ-ساۋىقتىرۋ كەشەنىنە جەتكىزدى. ينسپەكتور ولجاس ءتالىپوۆ اتىراۋ وبلىسىنان كەلە جاتقان كولىكتەگى ءۇش ايلىق نارەستەسى بار وتباسىنى ۇيىنە الىپ كەتتى.
اۋا رايىنا بايلانىستى بىرقاتار وبلىستا جولدار جابىلدى
پوليتسەيدىڭ جارى جولاۋشىلارعا ىستىق تاماق ۇسىنىپ, بار جاعدايىن جاسادى. ەرتەڭىنە بوران باسىلعاندا جولعا شىققان جولاۋشىلار پوليتسيا قىزمەتكەرى وتباسىنىڭ كورسەتكەن قامقورلىعىنا شەكسىز ريزاشالىقتارىن ءبىلدىردى.