ەسكە سالا كەتەيىك, قوناەۆ قالاسىندا جىلدامدىعى سەكۋندىنا 27 مەتر بوران سوعىپ, تۇرعىن ۇيلەردىڭ شاتىرى ۇشىپ, ينجەنەرلىك جەلىلەر زاقىمدانعان. قازىرگى تاڭدا اقاۋلار تولىقتاي قالپىنا كەلتىرىلدى. اپات سالدارىن جويۋعا 300-دەن استام ادام مەن 60-تان اسا ارنايى تەحنيكا جۇمىلدىرىلدى. سونىمەن قاتار جەدەل شتاب قۇرىلدى.
الدىن الا مالىمەتتەرگە سايكەس, شامامەن 30 تۇرعىن ءۇيدىڭ شاتىرىنا زاقىم كەلگەن. اۋماقتاردى تازالاۋ جۇمىستارى اياقتالىپ, قالپىنا كەلتىرۋ شارالارى جوسپارلى تۇردە جۇرگىزىلىپ جاتىر.
قوناەۆ قالاسىندا توتەنشە جاعداي رەجيمى جاريالاندى
پاتەر يەلەرى كووپەراتيۆتەرى قالا اكىمدىگىنىڭ تۇرعىن ءۇي-كوممۋنالدىق شارۋاشىلىق بولىمىمەن بىرلەسىپ, شاتىرلاردى جانە ينفراقۇرىلىم نىساندارىن جوندەۋگە اتسالىسىپ وتىر.
«قالا اۋماعىندا قاتتى جەل ءتۇنى بويى سوعىپ, تۇسكە دەيىن ساقتالدى. تابيعي قۇبىلىستىڭ سالدارىنان زارداپ شەككەندەر جوق, ازاماتتاردىڭ ءومىرى مەن دەنساۋلىعىنا قاۋىپ تىركەلمەدى. جەدەل شتاب قۇرىلىپ, بارلىق قىزمەتتەر جۇمىس ىستەۋدە. تۇرعىنداردان تۇسكەن بارلىق وتىنىمدەر باقىلاۋدا, بىردە-ءبىر مەكەنجاي نازاردان تىس قالمايدى. قالا تۇرعىندارىن اۋا رايى بولجامدارى مەن قۇتقارۋ قىزمەتىنىڭ ەسكەرتۋلەرىن قاداعالاۋعا شاقىرامىز», دەدى قوناەۆ قالاسىنىڭ اكىمى اسحات بەردىحانوۆ.
قۇتقارۋ قىزمەتى الداعى كۇندەرى جەلدىڭ ەكپىنى سەكۋندىنا 17-22 مەترگە دەيىن كۇشەيۋى مۇمكىن ەكەنىن ەسكەرتىپ, قاۋىپسىزدىك شارالارىن قاتاڭ ساقتاۋدى سۇرايدى.
الماتى وبلىسى