قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا قارجى جۇيەسىن ۇزاق مەرزىمدى كاپيتال كوزدەرى ارقىلى نىعايتۋدىڭ ماڭىزىن اتاپ, ساقتاندىرۋ جانە قۇندى قاعازدار نارىعىن دامىتۋدى ستراتەگيالىق مىندەت رەتىندە بەلگىلەدى. مەملەكەت باسشىسىنىڭ ايتۋىنشا, الەمدىك تاجىريبەدە بانكتەرمەن قاتار ءدال وسى سالالار ەكونوميكانىڭ تۇراقتى وسۋىنە قىزمەت ەتەدى, دەپ جازادى Egemen.kz,
پرەزيدەنت وتاندىق قارجى جۇيەسىندەگى ساقتاندىرۋ سەكتورىنىڭ ۇلەسى نەبارى 5 پايىزدى قۇرايتىنىن ايتىپ, مۇنداي جاعدايمەن كەلىسۋگە بولمايتىنىن قاداپ ايتتى. ونىڭ سوزىنشە, ساقتاندىرۋ نارىعى الەۋەتىن تولىق پايدالانۋ ءۇشىن تسيفرلىق تەحنولوگيالاردى كەڭىنەن ەنگىزۋ قاجەت.
مەملەكەت باسشىسى ساقتاندىرۋ ونىمدەرىنىڭ ءتۇرىن كوبەيتىپ, ولاردىڭ قولجەتىمدىلىگىن ارتتىرۋ ماسەلەسىنە ەرەكشە توقتالدى. بۇل باعىتتا ساقتاندىرۋ نارىعىن مەملەكەت, ازاماتتار جانە بيزنەس اراسىنداعى ىقتيمال تاۋەكەلدەرگە ورتاق جاۋاپكەرشىلىك مادەنيەتىن قالىپتاستىراتىن ماڭىزدى ينستيتۋت رەتىندە قاراستىرۋ ۇسىنىلدى.
پرەزيدەنت ۇكىمەتكە جىل سوڭىنا دەيىن الەۋمەتتىك مەديتسينالىق ساقتاندىرۋ قورىنىڭ جۇمىسىن تولىق تسيفرلاندىرۋدى تاپسىردى
پرەزيدەنت دامىعان ەلدەردىڭ تاجىريبەسىنە سۇيەنە وتىرىپ, مىندەتتى ساقتاندىرۋ تۇرلەرىن كوبەيتۋ قاجەتتىگىن ايتتى. ونىڭ پىكىرىنشە, بانكتەر مەن ساقتاندىرۋ كومپانيالارى ۇزاق مەرزىمدى قور جيناۋدى كۇشەيتسە, بۇل قۇندى قاعازدار نارىعىنىڭ دامۋىنا دا تىڭ سەرپىن بەرەدى.
«قۇندى قاعازداردىڭ دامىعان نارىعى – ماكروەكونوميكالىق تۇراقتىلىقتىڭ ماڭىزدى كورسەتكىشى. ال ونىڭ اۋقىمى ينۆەستورلاردىڭ سەنىم دەڭگەيى قانداي ەكەنىن بىلدىرەدى», دەدى مەملەكەت باسشىسى.
پرەزيدەنت: ايماقتار ەكونوميكاسىندا شەشىمىن تاپپاعان ماسەلەلەر ءالى دە بار
وسىعان بايلانىستى پرەزيدەنت قارجى نارىعىن رەتتەۋ جانە دامىتۋ اگەنتتىگى مەن ۇلتتىق بانككە 1 قىركۇيەككە دەيىن ساقتاندىرۋ جانە قور نارىعىن دامىتۋدىڭ 2030 جىلعا دەيىنگى باعدارلاماسىن ازىرلەۋدى تاپسىردى. پرەزيدەنت بۇل باعدارلامانى ءتيىمدى ىسكە اسىرۋ ءۇشىن ساقتاندىرۋ جانە قۇندى قاعازدار سالاسىنا قاتىستى جاڭا زاڭدار قابىلداۋ قاجەت ەكەنىن اتاپ ءوتتى.
توقاەۆ: دۇنيە جۇزىندەگى ەكونوميكالىق احۋالعا قاراماستان, بىلتىر ەكونوميكامىز 6,5%-عا ءوستى
مەملەكەت باسشىسى اتالعان قادامدار قارجى نارىعىنىڭ تۇراقتىلىعىن ارتتىرىپ, ينۆەستورلار سەنىمىن كۇشەيتۋگە جانە ۇلتتىق ەكونوميكانىڭ ۇزاق مەرزىمدى دامۋىنا نەگىز بولاتىنىن جەتكىزدى.