پرەزيدەنت قاسىم-جومارت توقاەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر. وندا ولجاس بەكتەنوۆ ەكونوميكانىڭ قول جەتكىزىلگەن ءوسۋ جىلدامدىعى ينفراقۇرىلىمدى وزىق قارقىنمەن دامىتۋدى تالاپ ەتەتىنىن اتاپ ءوتتى, دەپ حابارلايدى Egemen.kz.
ۇكىمەت ارنايى ەكونوميكالىق جانە يندۋستريالىق ايماقتاردا ينفراقۇرىلىمدى 100% قامتاماسىز ەتۋ ءۇشىن شارالار قابىلداپ جاتىر. دەگەنمەن ارنايى ەكونوميكالىق ايماقتاردىڭ وزىندە ينفراقۇرىلىممەن ورتاشا قامتاماسىز ەتۋ دەڭگەيى نەبارى 53%-دى, ال يندۋستريالىق ايماقتاردا بۇل كورسەتكىش 48%-دى قۇرايدى.
جەرگىلىكتى بيۋدجەتتەردىڭ رەسپۋبليكالىق بيۋدجەتكە تاۋەلدىلىگى 34%-عا دەيىن تومەندەيدى
وسىعان بايلانىستى ۇكىمەت ارنايى ەكونوميكالىق جانە يندۋستريالىق ايماقتاردا ينفراقۇرىلىمدى جەدەل دامىتۋ بويىنشا بىرقاتار قاجەتتى شەشىم قابىلداپ جاتىر.
«اەا مەن يا-نى ينفراقۇرىلىممەن 100% قامتاماسىز ەتۋ ءۇشىن قاجەتتى شەشىمدەر قابىلداندى. الداعى ءۇش جىل ىشىندە يسلام دامۋ بانكى قاراجاتىن تارتۋ ەسەبىنەن جاڭا وندىرىستىك نىساندارعا قاجەتتى ينفراقۇرىلىم سالۋعا 1 ترلن تەڭگە كولەمىندە ينۆەستيتسيالار تارتىلادى», دەپ اتاپ ءوتتى ولجاس بەكتەنوۆ.
ايتا كەتەيىك, ءدال قازىر پرەزيدەنت توراعالىعىمەن ۇكىمەتتىڭ كەڭەيتىلگەن ءوتىرىسى وتىپ جاتىر.