كامەلەتكە تولماعانداردىڭ مۇددەسىن قورعاۋ – پروكۋراتۋرا قىزمەتىندەگى نەگىزگى باسىمدىقتاردىڭ ءبىرى. وسى باعىتتا ورال قالاسىندا جۇيەلى جۇمىس جۇرگىزىلىپ, ناقتى ناتيجەگە قول جەتكىزىلدى, دەپ جازادى Egemen.kz.
قالا پروكۋراتۋراسىنىڭ باستاماسىمەن 2025 جىلى اليمەنت ءوندىرۋ بويىنشا قابىلدانعان شارالاردىڭ ناتيجەسىندە بالالاردىڭ پايداسىنا 734 ميلليون تەڭگە ءوندىرىلدى. بۇل – اليمەنت ءوندىرۋ تەتىكتەرىن كۇشەيتۋ مەن بورىشكەرلەرگە قاتىستى تالاپتىڭ قاتاڭداتىلعانىن كورسەتەدى.
دينارا زاكيەۆا: جاڭا كونستيتۋتسيادا وتباسى مەن بالا قۇقىعىن قورعاۋ كۇشەيتىلەدى
پروكۋراتۋرانىڭ ۇيلەستىرۋىمەن اليمەنت تولەۋدەن قاساقانا جالتارعان, جۇمىسقا ورنالاسۋ جونىندە دە ارەكەت جاساماعان, 1 761 252 تەڭگە كولەمىندە بەرەشەگى بار بورىشكەر انىقتالدى. كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوت ونى قىلمىستىق كودەكستىڭ 139-بابى بويىنشا كىنالى دەپ تانىپ, ءبىر جىل مەرزىمگە باس بوستاندىعىن شەكتەۋ جازاسىن تاعايىندادى.
استانادا جەكە سوت ورىنداۋشى اليمەنت تولەمەگەن اكەدەن 196 ملن تەڭگە ءوندىرىپ الدى
جالپى, ورال قالاسىندا وسى باپ اياسىندا التى بورىشكەر قىلمىستىق جاۋاپكەرشىلىككە تارتىلعان. بۇدان بولەك, اليمەنت ءوندىرۋ تۋرالى سوت شەشىمدەرىن ورىنداماعان 185 ادام اكىمشىلىك قۇقىق بۇزۋشىلىق تۋرالى كودەكستىڭ 669-بابى بويىنشا اكىمشىلىك جاۋاپقا تارتىلدى.
بقو-دا ءۇش جىل بويى اليمەنت تولەۋدەن جالتارعان ەر ادام قاماۋعا الىندى
قابىلدانعان شارالاردىڭ ناتيجەسىندە 416 بالانىڭ قۇقىعى قورعالىپ, 288 بورىشكەر جۇمىسپەن قامتىلدى. بۇل اليمەنت ماسەلەسىن تەك جازالاۋ ارقىلى ەمەس, الەۋمەتتىك تەتىكتەرمەن دە شەشۋگە بولاتىنىن كورسەتىپ وتىر.
پروكۋراتۋرا وكىلدەرى اليمەنتتى ۋاقىتىلى تولەۋ – ءاربىر اتا-انانىڭ زاڭمەن بەكىتىلگەن مىندەتى ەكەنىن ەسكە سالادى. بالانىڭ قۇقىعى مەن مۇددەسى كەز كەلگەن جاعدايدا ءبىرىنشى ورىندا تۇرۋعا ءتيىس.