بانگلادەشتىڭ سولتۇستىگىندە تۇراتىن ايەل ادام 21 قاڭتاردا اۋرۋدىڭ العاشقى بەلگىلەرىن سەزىنىپ, 1 اپتادان كەيىن قايتىس بولعان. ونىڭ ۆيرۋس جۇقتىرعانى كەلەسى كۇنى راستالعان, دەپ حابارلايدى Egemen.kz.
The Independent باسىلىمىنىڭ مالىمەتىنشە, مارقۇمنىڭ ساپارعا شىقپاعانى, الايدا جۇقتىرۋ قاۋپىنىڭ فاكتورلارىنىڭ ءبىرى سانالاتىن قۇرما پالماسىنىڭ شيكى شىرىنىن تۇتىنعانى ايتىلعان.
دارىگەرلەر دە دارمەنسىز: ءۇندىستاندا ەمى جوق ۆيرۋس تارادى
دەرتتىڭ بەلگىلەرى رەتىندە جوعارى تەمپەراتۋرا, قاتتى باس اۋرۋى, كەڭىستىكتى باعدارلاي الماۋ جانە دەنەنىڭ قۇرىسۋى بايقالعان.جاڭا قاۋىپتى ۆيرۋس: ءۇندىستاننان كەلگەن ادامدار ەرەكشە باقىلاۋدا بولادى
اتالعان ۆيرۋسقا قارسى ءدارى-دارمەك تە, ۆاكتسينا دا جوق. اۋرۋ جۇقتىرعاندار اراسىنداعى ءولىم-ءجىتىم دەڭگەيى 90%-عا دەيىن جەتەدى. اسا قاۋىپتى بولعانىمەن نيپاح ۆيرۋسىنىڭ الەمدىك اۋقىمدا تارالۋ قاۋپى تومەن دەپ باعالانىپ وتىر.
مىسالى, بەلارۋس دەنساۋلىق ساقتاۋ مينيسترلىگىنىڭ تۇسىندىرۋىنشە, ەل اۋماعىندا تروپيكالىق جارقاناتتار سياقتى تابيعي رەزەرۆۋارلاردىڭ بولماۋىنا بايلانىستى ۆيرۋستىڭ پايدا بولۋ ىقتيمالدىعى وتە تومەن. رەسپۋبليكادا ينفەكتسيانىڭ سىرتتان اكەلىنۋ دەرەكتەرى تىركەلمەگەن.
ال رەسەي عىلىم اكادەمياسىنىڭ اكادەميگى گەننادي ونيششەنكو نيپاح ۆيرۋسىنىڭ COVID-19 پاندەمياسى سياقتى جاھاندىق دەڭگەيدە تارالۋىنا نەگىز جوق ەكەنىن اتاپ وتكەن.
نيپاح ۆيرۋسى انىقتالعان جاعدايدا الماتى اۋەجايى قالاي ارەكەت ەتەدى؟