2026 جىلعى 7 اقپاندا الماتى قالاسىندا «قازاقستاننىڭ جاڭا كونستيتۋتسياسى - قازاقستاندىق قوعامنىڭ جاڭا ءمان-ماعىناسى مەن قۇندىلىقتارىن قالىپتاستىرۋ» تاقىرىبىندا ساراپشىلىق تالقىلاۋ ءوتتى. بۇل تۋرالى فيلوسوفيا, ساياساتتانۋ جانە ءدىنتانۋ ينستيتۋتىنىڭ ءباسپاسوز قىزمەتى مالىمدەدى, دەپ حابارلايدى Egemen.kz.
تالقىلاۋعا عىلىمي قاۋىمداستىق وكىلدەرى, ساراپشىلار جانە كونستيتۋتسيالىق كوميسسيا مۇشەلەرى قاتىستى. قاتىسۋشىلار جوبانىڭ نەگىزگى ەرەجەلەرىن, سونىڭ ىشىندە حالىقارالىق جانە ۇلتتىق قۇقىق اراسىنداعى ۇيلەسىمدىلىك, رەفورمالاردىڭ گۋمانيتارلىق جانە قۇندىلىقتىق اسپەكتىلەرى, ازاماتتىق قاتىسۋ مەحانيزمدەرىن دامىتۋ جانە مەملەكەت پەن قوعام اراسىنداعى ءوزارا ارەكەتتەستىكتى نىعايتۋ ماسەلەلەرىن قاراستىردى.
«رەفورمالاردىڭ گۋمانيتارلىق ولشەمىن جانە مادەني-يدەنتيفيكاتسيالىق فاكتورلاردى ەسكەرۋ قوعامدىق دامۋدىڭ ساباقتاستىعىن ساقتاۋعا جانە قۇندىلىقتىق باعدارلاردى نىعايتۋعا ىقپال ەتەدى», دەپ اتاپ ءوتتى ا. بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى, كونستيتۋتسيالىق كوميسسيا مۇشەسى انار فازىلجانوۆا.
فيلوسوفيا, ساياساتتانۋ جانە ءدىنتانۋ ينستيتۋتى باس ديرەكتورىنىڭ عىلىمي جۇمىس جونىندەگى ورىنباسارى شولپان دجامانبالاەۆا كونستيتۋتسيا جوباسىندا ءارتۇرلى الەۋمەتتىك توپتاردىڭ جانە ازاماتتىق قوعام ينستيتۋتتارىنىڭ مۇددەلەرىن ەسكەرۋگە ارنالعان مەحانيزمدەر قاراستىرىلعانىن ايتا كەتتى.
ينستيتۋتتىڭ الەمدىك جانە قازاق فيلوسوفياسى ورتالىعىنىڭ جەتەكشىسى سەرىك نۇرمۇراتوۆ جوبانى تالقىلاۋ قوعامنىڭ جوعارى قىزىعۋشىلىعىن تانىتقانىن جانە تۇراقتى كونستيتۋتسيالىق نورمالاردى ساقتاۋ ماڭىزدى ەكەنىن قوسا ايتتى.
كەزدەسۋ قورىتىندىسى بويىنشا قاتىسۋشىلار جاڭا كونستيتۋتسيا جوباسى ەلدىڭ قۇقىقتىق دامۋىنىڭ ساپالى جاڭارتىلعان مودەلىن قالىپتاستىراتىنىن اتاپ ءوتىپ,كونستيتۋتسيالىق رەفورمانى مەملەكەتتىڭ جانە قوعامنىڭ جاڭعىرۋىنداعى ماڭىزدى كەزەڭ رەتىندە قولدادى.