الماتىدا ينكليۋزيۆتى سپورتتى دامىتۋدى كوزدەيتىن جاڭا سپورت ورتالىعىنىڭ قۇرىلىسى باستالدى. جوبا پاراسپورتشىلاردى قولداۋعا جانە سپورت ينفراقۇرىلىمىنىڭ قولجەتىمدىلىگىن ارتتىرۋعا ارنالعان. بۇل تۋرالى الماتى قالاسى سپورت باسقارماسىنىڭ وكىلدەرى حابارلادى, دەپ جازادى Egemen.kz.
ەكى قاباتتى عيماراتتىڭ جالپى اۋدانى 7,6 مىڭ شارشى مەتردى قۇرايدى. ورتالىقتا باسسەين, امبەباپ جاتتىعۋ زالدارى, سونداي-اق ۇستەل ويىندارىنا, ۇستەل تەننيسى مەن ساداق اتۋعا ارنالعان ارنايى زالدار مەن ءماجىلىس-زالى بار.
اقتوبەدە ينكليۋزيۆتى سپورت كەشەنى اشىلدى
ينكليۋزيۆتى سپورت ورتالىعىندا ءجۇزۋ, جەڭىل اتلەتيكا, پاۋەرليفتينگ, ۇستەل تەننيسى, بادمينتون, دزيۋدو, تاەكۆوندو, وتىرىپ وينايتىن ۆولەيبول, گولبول, بوچچا, اربا ءبيى, پاراۆەلوسپورت, مەرگەندىك جانە وزگە دە بەيىمدەلگەن سپورت تۇرلەرى بويىنشا جاتتىعۋلار وتكىزىلەدى.
قاسىم-جومارت توقاەۆ بارلىق وڭىردە ينكليۋزيۆتى سپورت ورتالىعىن سالۋدى تاپسىردى
قۇرىلىس جۇمىستارى 2025 جىلى تامىزدا باستالدى. نىسان 2026 جىلى IV توقساندا پايدالانۋعا بەرىلمەك.