ەندى وتاندىق كاسىپكەرلەر تاياۋ شىعىستاعى ءىرى نارىققا جۇيەلى تۇردە شىعۋعا مۇمكىندىك الىپ وتىر. 2026 جىلعى 2 اقپاندا استانادا QazTrade ورتالىعى مەن اراب ەلدەرىنىڭ ساۋدا پالاتالارى فەدەراتسياسى مەموراندۋمعا قول قويدى. قۇجات ەكى ەل اراسىنداعى ساۋدا بايلانىسىن رەتتەپ, ىسكەرلىك قارىم قاتىناستى تۇراقتى جۇيەگە اينالدىرۋدى كوزدەيدى, دەپ حابارلايدى Egemen.kz.
كەلىسىم اياسىندا كاسىپكەرلەردىڭ ءبىر-ءبىرىن تابۋى جەڭىلدەيدى. ساۋدا ەرەجەلەرى بويىنشا اقپارات الماسۋ جولعا قويىلادى. كورمەلەر, فورۋمدار مەن كەزدەسۋلەر تۇراقتى وتەدى. قاجەت بولعان جاعدايدا شەتەلدە وكىلدىك اشۋ مۇمكىندىگى دە قاراستىرىلعان.
كەزدەسۋگە ەكى تاراپتىڭ جاۋاپتى وكىلدەرى قاتىستى. قازاقستان جاعىنان QazTrade وكىلدەرى, ال اراب ەلدەرى تاراپىنان ىسكەرلىك كەڭەس باسشىلىعى كەلدى. سونداي اق «كارات» جشس مەن ستراتەگيالىق برەندينگ اگەنتتىگىنىڭ جەتەكشىسى شاحزادا شوگەلباەۆا ءوز ۇسىنىستارىن ايتتى. بۇل نارىقتىڭ باستى ەرەكشەلىگى – تۇتىنۋشى سانىنىڭ كوپتىگى. مەككە مەن ماديناعا اي سايىن شامامەن 2 ملن ادام كەلەدى. سوندىقتان ءونىم ساپاسى بىركەلكى, قۇجاتتارى تولىق, جەتكىزۋ ۋاقىتى ناقتى بولۋى ءتيىس.
ساۋدانىڭ ءبىر قىزىعى كەشبەك دەگەن...
اراب تاراپى سەنىمدىلىك پەن كولەمگە ەرەكشە ءمان بەردى. وسىعان بايلانىستى قازاقستاندىق كومپانيالار الدىن الا دايىندالۋى قاجەت. تاڭبالاۋ, قاپتاما, سەرتيفيكات جانە باسقا قۇجاتتار تالاپقا ساي بولۋى شارت. مەموراندۋم كەزدەيسوق بايلانىستاردى ازايتادى. ەندى كەلىسسوزدەر جۇيەلى تۇردە جۇرگىزىلەدى. ورتاق ءىس-شارالار جوسپارى جاسالادى. سەرىكتەستەردى ىرىكتەۋ ءتارتىبى بەلگىلەنەدى. بۇل كاسىپكەرلەردىڭ ۋاقىتىن ۇنەمدەيدى.
«تازا پاراقتان» رەتتەۋ: كاسىپكەرلەردەن قانداي وتىنىشتەر كەلىپ جاتىر؟
كەزدەسۋدە لوگيستيكا ماسەلەسى دە قوزعالدى. اسىرەسە ازىق ت ۇلىك پەن ءدارى دارمەك سالاسىندا تالاپ جوعارى. سەرتيفيكاتتاۋ مەن قۇجاتتاردى ۇيلەستىرۋ باستى شارت بولىپ قالا بەرەدى. قازىر جۇك كوبىنە دۋباي ارقىلى وتەدى. بۇل جول ۇزاققا سوزىلادى. سوندىقتان تىكەلەي رەيستەر مەن جاڭا باعىتتار ءونىم باعاسى مەن ساپاسىنا تىكەلەي اسەر ەتەدى.
نارىقتا تۇراقتى جۇمىس ىستەۋ ءۇشىن ساۋدا وكىلدىگىن اشۋ جانە كورمەلەر ۇيىمداستىرۋ جوسپارلانعان. بۇل ساتىپ الۋشىلارمەن تىكەلەي بايلانىس ورناتۋعا مۇمكىندىك بەرەدى.