استانا. 25 ماۋسىم. ۇلىبريتانيا پاتشايىمى ەليزاۆەتا II-ءنىڭ گەرمانيا پرەزيدەنتى يواحيم گاۋك تارتۋ ەتكەن سىيلىققا كوڭىلى تولماعان سەكىلدى. نەمىس باسشىسى پاتشايىمعا كارتينا سىيعا بەرگەن ەدى. كارتينادا پاتشايىمنىڭ كىشكەنتاي كەزىندەگى كوك ءتۇستى ءپونيدىڭ ۇستىندە وتىرعان سۋرەتى سالىنعان. بۇل تۋرالى vesti.ru حابارلادى.
Gawker سايتى: «پاتشايىمنىڭ جۇزىنەن مۇنداي جيىركەنىشتى ءبىز سوڭعى رەت كەيت ميدلتون شاي ىشۋگە ءتۇسى سايكەس كەلمەيتىن ش ۇلىق كيىپ كەلگەندە كورگەن ەدىك», – دەپ جازادى.
ايتا كەتەيىك, پاتشايىم ەليزاۆەتا II گەرمانياعا ءۇش كۇندىك ساپارمەن كەلگەن ەدى. بۇل – ۇلىبريتانيا پاتشايىمىنىڭ گەرمانيا فەدەراتيۆتىك رەسپۋبليكاسىنا بەسىنشى رەسمي ساپارى. بۇل ساپار الداعى رەفەرەندۋممەن تىكەلەي بايلانىستى بولۋى مۇمكىن. سەبەبى, اتالعان رەفەرەندۋم كەزىندە بريتاندىقتار ەلدىڭ ەۋروپالىق وداق قۇرامىندا قالۋ-قالماۋىنا قاتىستى شەشىم شىعارۋلارى كەرەك.
رەسمي ساپار بارىسىندا ەكى ەل باسشىلارى ءبىر-بىرلەرىنە سىي تارتۋ ەتكەن بولاتىن. بريتان پاتشايىمىنا نەمىس سۋرەتشىسى نيكول لەيدەنفروستتىڭ كارتيناسى بۇيىرعان. سۋرەتكە قاراعان ەليزاۆەتا II: «جىلقىنىڭ ءتۇسى قىزىق ەكەن», – دەپ اتاپ ءوتىپ, ءپونيدىڭ جۇگەنىن ۇستاپ تۇرعان ەر ادامدى مەڭزەپ كورسەتكەن پاتشايىم: «مىناۋ مەنىڭ اكەم بولار؟», – دەپ سۇراعان.
ساپار بارىسىندا تۇسىرىلگەن سۋرەتكە قاراعاندا, گەرمانيا كانتسلەرى انگەلا مەركەلمەن وتكەن كەزدەسۋ بريتان پاتشايىمىنا كوبىرەك جاعىمدى كوڭىل-كۇي سىيلاعان سىڭايلى.
ەلامان قوڭىر.
دەرەك: vesti.ru.
سۋرەت: Global Look Press.