قازاقستان مەن ۆەتنام ءوزارا تاۋار اينالىمىن ەكى ەسە ارتتىرۋعا نيەتتى

ەلىمىز سەگىز جىلدا العاش رەت ۆەتنامعا 15 مىڭ توننادان استام بيداي ەكسپورتتاعان. 2025 جىلى كونتەينەرلەردى شامادان تىس جۇكتەمەي, مۋلتيمودالدى لوگيستيكانى پايدالانا وتىرىپ, وتاندىق استىقتىڭ العاشقى تىكەلەي ارالاس جەتكىزىلىمى ىسكە اسىرىلدى. بۇل جەتكىزۋ مەرزىمى مەن شىعىندى ازايتتى. اتالعان تاجىريبە قازاقستاننىڭ وڭتۇستىك-شىعىس ازيا ەلدەرىنە ازىق-ت ۇلىكتىڭ سەنىمدى جەتكىزۋشىسى رەتىندەگى ماڭىزدى قادامى رەتىندە قاراستىرىلىپ جاتىر.

ەكسپورتتىق الەۋەتتى ۇن, ەت, ءسۇت ءونىمى, سونداي-اق مايلى داقىل ەسەبىنەن ارتتىرۋعا بولادى. وسىعان بايلانىستى قازاقستان تاراپى ۆەتەريناريا سالاسىنداعى ىنتىماقتاستىق تۋرالى كەلىسىمدى جانداندىرىپ, وعان اۋىل شارۋاشىلىعى جونىندەگى كىشى كوميتەتتىڭ ەكىنشى وتىرىسى كەزىندە قول قويۋدى ۇسىندى.

كولىك-لوگيستيكا سالاسىندا ۆەتنامدىق ارىپتەستەرگە وڭتۇستىك تەڭىز باعىتىمەن سالىستىرعاندا جۇك جەتكىزۋ مەرزىمىن 3-4 ەسە قىسقارتۋعا مۇمكىندىك بەرەتىن ترانسكاسپي حالىقارالىق كولىك باعىتى («ورتا ءدالىز») ينفراقۇرىلىمىن كەڭىنەن پايدالانۋ تۋرالى ايتىلدى. قازاقستان وڭتايلى لوگيستيكالىق جاعداي جاساۋعا, بىرلەسكەن جوبالاردى, ونىڭ ىشىندە جەڭىل ونەركاسىپ پەن اۆتوموبيل جاساۋدى دامىتۋعا دايىن ەكەندىگىن ءبىلدىردى.

قىزىلوردا اۋەجايى ۆەتنامدىق كومپانيانىڭ باسقارۋىنا بەرىلمەيدى

سونداي-اق 2026 جىلى حانوي – الماتى – پراگا باعىتى بويىنشا VietJet Air تۇراقتى رەيسىن ىسكە قوسۋ جوسپارلانىپ وتىر. وسىعان بايلانىستى استانا مەن حانوي اراسىندا تىكەلەي اۋە قاتىناسىن اشۋ, سونداي-اق الماتى – حوشيمين رەيسىن قالپىنا كەلتىرۋدى قاراستىرۋ ۇسىنىلدى.

ەكى ەل اراسىنداعى ينۆەستيتسيالىق ىنتىماقتاستىق جاڭاشا دامۋ ۇستىندە. قازاقستاندا ۆەتنام كاپيتالىنىڭ قاتىسۋىمەن بىرقاتار جوبا, سونىڭ ىشىندە الماتى وبلىسىندا Ak Bulak Village تۋريستىك كەشەنى مەن قوناەۆ قالاسىنىڭ «ارنا» يندۋستريالىق ايماعىندا ينۆەستيتسيا كولەمى 90 ملن دوللار بولاتىن ازىق-ت ۇلىك ءوندىرۋ زاۋىتىنىڭ قۇرىلىسى ىسكە قوسىلىپ جاتىر.

ۆەتنامدىق كومپانيا قازاقستاندا ەلەكتر تاكسيدى ىسكە قوسقىسى كەلەدى

تاراپتار ساۋدا-ەكونوميكالىق جانە عىلىمي-تەحنيكالىق ىنتىماقتاستىق جونىندەگى ۇكىمەتارالىق كوميسسيانىڭ شەشۋشى ءرولىن اتاپ ءوتىپ, ونىڭ كەزەكتى وتىرىسىن بيىلعى ماۋسىم-شىلدەدە وتكىزۋدى قاراستىرماق. سونداي-اق بيىل قازاقستان-ۆەتنام ىسكەرلىك كەڭەسىن قۇرۋ تۋرالى مەموراندۋمعا قول قويىلادى.

نگۋەن حوا بين قازاقستان مەن ۆەتنام اراسىنداعى ءداستۇرلى دوستىقتى اتاپ ءوتىپ, ايماقارالىق ءوزارا ءىس-قيمىلدى قوسقاندا, ىنتىماقتاستىقتى ودان ءارى كەڭەيتۋگە مۇددەلى ەكەنىن جەتكىزدى. ول «ورتا ءدالىزدى» دامىتۋ جونىندەگى باستامالاردى قولداپ, سونداي-اق حوشيميندە قارجى ورتالىعىن قۇرۋعا وراي, «استانا» حالىقارالىق قارجى ورتالىعىن دامىتۋ جونىندەگى قازاقستاندىق تاجىريبەنى زەردەلەۋگە قىزىعۋشىلىق ءبىلدىردى.

كەزدەسۋ قورىتىندىسىندا ۆەتنامدىق تاراپ قازاقستان-ۆەتنام ىسكەرلىك كەڭەسىنىڭ قۇرىلۋىن قولدادى. بۇل ءۇشىن ءوزارا ساۋدا كولەمىن ودان ءارى ارتتىرۋدا ەلەۋلى الەۋەت بار.