اقمولا وبلىسىنىڭ ەرەيمەنتاۋ اۋدانىندا شەتەلدىك ينۆەستورلاردىڭ قاتىسۋىمەن Big Farm كاسىپورىنى ەت ءوندىرۋ بويىنشا ينتەگراتسيالانعان كەشەن قۇرۋ جوسپارلانۋدا. جوباعا يسپانيا كومپانيالارى قاتىسۋدا, دەپ حابارلايدى Egemen.kz قر اۋىل شارۋاشىلىعى مينيسترلىگىنىڭ ءباسپاسوز قىزمەتىنە سىلتەمە جاساپ.
Big Farm جوباسىن قوسا العاندا, ينۆەستيتسيالىق ىنتىماقتاستىقتى پاريجدەگى دجدۇ 93-ءشى باس سەسسياسىنىڭ اياسىندا قازاقستاننىڭ اۋىل شارۋاشىلىعى ءمينيسترى ايداربەك ساپاروۆ پەن يسپانيانىڭ اۋىل شارۋاشىلىعى, بالىق شارۋاشىلىعى جانە ازىق-ت ۇلىك ءمينيسترى لۋيس پلاناس تالقىلادى. اۋىل شارۋاشىلىعى مينيسترلىگىنىڭ اقپاراتى بويىنشا, جوبا اقمولا وبلىسىندا 20 مىڭ باس انگۋس تۇقىمدى ءىرى قارا مال ۇستايتىن ەتتى مال شارۋاشىلىعىن دامىتۋدى كوزدەيدى. جوبانى ىسكە اسىرۋ ءۇشىن اۋدانى 70 مىڭ گا جەر ۋچاسكەسى ءبولىندى. ينۆەستيتسيالاردىڭ جالپى كولەمى 132 ملن ەۋرونى قۇرايدى. 250 جۇمىس ورنىن قۇرۋ جوسپارلانۋدا.
سونىمەن قاتار, اۋىل شارۋاشىلىعى مينيسترلىكتەرىنىڭ باسشىلارى ءوزارا تاۋار اينالىمىن كەڭەيتۋ جوسپارلارىن تالقىلادى. 2025 جىلدىڭ قورىتىندىسى بويىنشا قازاقستاندىق اۋىل شارۋاشىلىعى ونىمدەرىنىڭ يسپانياعا ەكسپورتى ەكى ەسەگە ارتتى. جەتكىزۋ قۇرىلىمىنداعى نەگىزگى ۇلەستى ءداندى داقىلدار, كوكونىس بۇرشاق داقىلدارى, ەفير مايلارى الدى.
«بۇگىنگى تاڭدا ءبىزدىڭ ەلدەرىمىز اۋىل شارۋاشىلىعى جانە اوك ونىمدەرىنىڭ ساۋداسى سالاسىنداعى ىنتىماقتاستىقتا وڭ ديناميكانى ساقتاپ كەلەدى. سونىمەن قاتار, ەكىجاقتى ىنتىماقتاستىقتىڭ قولدا بار الەۋەتى تولىق كولەمدە پايدالانىلمايدى دەپ سانايمىز», - دەدى ايداربەك ساپاروۆ.
اۋىل شارۋاشىلىعى مينيسترلىگىنىڭ باسشىسى قازاقستان استىق جانە مايلى داقىلدار, قايتا وڭدەۋ ونىمدەرى, جەمشوپ ونىمدەرى جانە باسقا دا ءوزارا مۇددەلى اۋىل شارۋاشىلىعى تاۋارلارىنىڭ ەكسپورتىن ۇلعايتۋ ەسەبىنەن يسپانيا نارىعىندا قاتىسۋىن كەڭەيتۋگە دايىن ەكەنىن مالىمدەدى.