كەشە, قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆتىڭ ساپارى بارىسىندا لوندون قالاسىندا قازاقستان ماشينا جاساۋشىلار وداعىنىڭ باسقارما توراعاسى, پارلامەنت ءماجىلىسىنىڭ دەپۋتاتى مەيرام پىشەمباەۆ پەن ۇلىبريتانيا ماشينا جاساۋشىلار تەحنولوگياسى اسسوتسياتسياسىنىڭ ۆيتسە-پرەزيدەنتى گاي موللارت ەكى ەل اراسىنداعى ىنتىماقتاستىقتى دامىتۋ تۋرالى مەموراندۋمعا قول قويدى.
اتالعان مەموراندۋمدا ەكى مەملەكەتتىڭ ماشينا جاساۋشىلارىنىڭ قارىم-قاتىناسى نەگىزىندە ءوندىرىستى روبوتتاندىرۋ, كومپيۋتەرلىك جوبالاۋ, تەمىر وڭدەۋدىڭ جاڭاشا جۇيەسى مەن ستانوكتار جانە قۇرالداردى سوڭعى تەحنولوگيامەن ءوندىرۋ بەلگىلەنگەن.
ءىس-شارانى قورىتىندىلاعان پرەمەر-مينيستر كارىم ءماسىموۆ مەملەكەتتەرىمىزدىڭ ساۋدا-ەكونوميكالىق قاتىناسىن الداعى ۋاقىتتا دامىتۋدا بۇگىنگى ىنتىماقتاستىقتىڭ ماڭىزدىلىعىنا باسا نازار اۋداردى, دەپ حابارلادى پارلامەنت ءماجىلىسىنىڭ ءباسپاسوز قىزمەتى.