ۇكىمەتتىڭ كەڭەيتىلگەن وتىرىسىندا مەملەكەت باسشىسى ن.ءا.نازارباەۆتىڭ بەرگەن تاپسىرمالارىن جۇزەگە اسىرۋ ماقساتىندا پرەمەر-ءمينيستردىڭ ورىنباسارى بەردىبەك ساپارباەۆتىڭ توراعالىعىمەن الەۋمەتتىك سەرىكتەستىك جانە الەۋمەتتىك جانە ەڭبەك قاتىناستارىن رەتتەۋ جونىندەگى رەسپۋبليكالىق ۇشجاقتى كوميسسيانىڭ كەزەكتى وتىرىسى ءوتتى.
ءىس-شاراعا دەنساۋلىق ساقتاۋ جانە الەۋمەتتىك دامۋ, ۇلتتىق ەكونوميكا, ينۆەستيتسيالار جانە دامۋ, ەنەرگەتيكا, قارجى, ادىلەت جانە وزگە دە مينيسترلىكتەردىڭ جەتەكشىلەرى, سونداي-اق, وبلىستار, استانا جانە الماتى قالالارى اكىمدەرىنىڭ ورىنباسارلارى, رەسپۋبليكالىق كاسىپوداقتار ۇيىمدارىنىڭ, ۇلتتىق كاسىپكەرلەر پالاتاسىنىڭ باسشىلارى قاتىستى.
وتىرىس بارىسىندا, وندىرىستىك ۇدەرىستەردى تۇراقتاندىرۋ, ەڭبەك قۇقىقتارىن جانە جۇمىسكەرلەردىڭ كەپىلدىكتەرىن قامتاماسىز ەتۋ, الەۋمەتتىك قورعاۋ جانە جۇمىستان بوساعان جۇمىسشىلاردى ەڭبەكپەن قامتۋ ماسەلەلەرى بويىنشا اكىمدىكتەر مەن كاسىپورىندار جەتەكشىلەرى اراسىندا مەموراندۋمدار جاساۋ, ەڭبەك داۋلارىنىڭ الدىن الۋ بويىنشا ءىس-شارالار, ۇكىمەت, جۇمىسكەرلەر مەن جۇمىس بەرۋشىلەردىڭ رەسپۋبليكالىق بىرلەستىگى اراسىنداعى 2015-2017 جىلدارعا ارنالعان باس كەلىسىمدى جۇزەگە اسىرۋ بويىنشا ءىس-شارالار جوسپارى تۋرالى ماسەلەلەر قارالدى.
بۇگىنگى تاڭدا رەسپۋبليكا بويىنشا وڭىرلەردىڭ اكىمدىكتەرى مەن كاسىپورىندار اراسىندا 23 مىڭنان استام مەموراندۋمعا قول قويىلدى, ونىڭ ىشىندە 1117-ءسى – ءىرى كاسىپورىندار, 22949-ى – ورتا جانە شاعىن كاسىپورىندار. ولاردىڭ جۇمىسكەرلەرىنىڭ جالپى سانى 1,4 ملن. ادامنان اسادى.
مەموراندۋمدار بويىنشا جۇكتەلگەن مىندەتتەمەلەردى ورىنداۋ ءۇشىن ۇشجاقتى كوميسسيالار شەڭبەرىندە مەموراندۋمداردىڭ ورىندالۋ بارىسىنا اي سايىن باقىلاۋ جاساۋ تاجىريبەسى ەنگىزىلىپ, الەۋمەتتىك ۇنقاتىسۋ (ۇجىمدىق كەلىسىمشارتتار, ەڭبەك شارتتارى, جالاقى جانە ت.ب.) قۇرۋ بويىنشا جاسالعان جۇمىستار جونىندە كاسىپورىندار جەتەكشىلەرىنىڭ ەسەپتەرى تىڭدالىپ وتىرادى.
سونىمەن قاتار, اعىمداعى جىلدىڭ ناۋرىز ايىندا جۇمىس ورىندارىن ساقتاۋ جانە جۇمىسكەرلەردىڭ جۇمىستان بوساۋىنا جول بەرمەۋ ماسەلەلەرى جونىندەگى الەۋمەتتىك سەرىكتەستىك بويىنشا وڭىرلىك كەلىسىمدەرگە وزگەرىستەر مەن تولىقتىرۋلار ەنگىزىلەدى.
مەموراندۋمدار اياسىنداعى مىندەتتەمەلەردىڭ ورىندالۋىنا مونيتورينگ اقپاراتتىق جۇيە نەگىزىندە جاسالادى. ول جۇيە زەينەتاقى اۋدارىمدارى بويىنشا جۇمىسكەرلەردىڭ جۇمىستان بوساۋىن اي سايىن باقىلاپ وتىرادى.
ەڭبەك داۋلارىنىڭ الدىن الۋ ءۇشىن دەنساۋلىق ساقتاۋ جانە الەۋمەتتىك دامۋ مينيسترلىگى باس پروكۋراتۋرامەن, قارجى جانە ادىلەت مينيسترلىكتەرىمەن, جۇمىس بەرۋشىلەر مەن جۇمىسكەرلەردىڭ رەسپۋبليكالىق بىرلەستىگىمەن بىرلەسىپ جالاقى بويىنشا قارىزدارعا اي سايىن مونيتورينگ جۇرگىزۋدە, ەڭبەك زاڭناماسىن بۇزۋ جاعدايلارىنا ساراپتاما جانە كاسىپورىنداردىڭ ۇجىمدىق كەلىسىمدەرمەن قامتىلۋىنا مونيتورينگ جاساۋدا, مۇددەلى مەملەكەتتىك ورگاندار, جۇمىس بەرۋشىلەر مەن جۇمىسكەرلەردىڭ رەسپۋبليكالىق بىرلەستىگى وكىلدەرىنىڭ قاتىسۋىمەن ەڭبەك داۋلارىنا جول بەرمەۋ بويىنشا ۇسىنىستار ازىرلەۋ جانە ءىس-شارالار قابىلداۋ بويىنشا كەزدەسۋلەر وتكىزۋدە.
سونىمەن قاتار, مۇددەلى مەملەكەتتىك ورگاندارمەن جانە جۇمىس بەرۋشىلەر مەن جۇمىسكەرلەردىڭ رەسپۋبليكالىق بىرلەستىگىمەن بىرلەسىپ, ۇكىمەت پەن جۇمىسكەرلەر مەن جۇمىس بەرۋشىلەردىڭ رەسپۋبليكالىق بىرلەستىگى اراسىنداعى 2015-2017 جىلدارعا ارنالعان باس كەلىسىمدى جۇزەگە اسىرۋ بويىنشا ءىس-شارالار جوسپارىنىڭ كەلىسىلگەن جوباسى ازىرلەندى.
دەنساۋلىق ساقتاۋ جانە الەۋمەتتىك دامۋ مينيسترلىگى الەۋمەتتىك شيەلەنىس كارتاسى نەگىزىندە جۇمىس ورىندارىن قۇرۋ بولىگىندە «نۇرلى جول» مەملەكەتتىك باعدارلاماسىن ىسكە اسىرۋ بارىسىنا تۇراقتى مونيتورينگ جاسايدى.
وتىرىستى قورىتىندىلاي كەلە, بەردىبەك ساپارباەۆ الەۋمەتتىك سەرىكتەستىك الەۋمەتتىك جانە ەڭبەك قاتىناستارى سالاسىنداعى مەملەكەتتىك ساياساتتى ىسكە اسىرۋ تەتىكتەرىنىڭ ءبىرى ەكەنىن اتاپ كورسەتتى. بۇل شارا جۇمىسكەرلەردىڭ الەۋمەتتىك-ەكونوميكالىق مۇددەلەرى ماسەلەلەرىن شەشۋگە, ەڭبەك كەپىلدىكتەرىن جانە الەۋمەتتىك تۇراقتىلىقتى ساقتاۋعا مۇمكىندىك بەرەدى.
پرەمەر-ءمينيستردىڭ ورىنباسارى وندىرىستىك ۇردىستەردى تۇراقتاندىرۋ, ەڭبەك قۇقىقتارىن جانە جۇمىسكەرلەردىڭ كەپىلدىكتەرىن قامتاماسىز ەتۋ, الەۋمەتتىك قورعاۋ جانە جۇمىستان بوساعان جۇمىسشىلاردى ەڭبەكپەن قامتۋ ماسەلەلەرى بويىنشا ءوزارا ىنتىماقتاستىق تۋرالى مەموراندۋمدار جاساۋ, جۇمىستان بوساۋ, قىسقارۋ تاۋەكەلدەرىنە جانە جۇمىسكەرلەردىڭ وزگە دە ەڭبەك قۇقىقتارىنىڭ بۇزىلۋ وقيعالارىنا تۇراقتى مونيتورينگ جاساۋ, وندىرىستىك جاراقاتتانۋشىلىقتىڭ وسۋىنە جول بەرگەن جۇمىس بەرۋشىلەرگە قاتاڭ شارالار قولدانۋ, ەڭبەك داۋلارىنا جول بەرمەۋ بويىنشا ءىس-شارالار قابىلداۋ بويىنشا تاپسىرما بەردى.