الەۋمەتتىك جەلىلەردە سەمەي قالاسىنداعى تۇرعىن ءۇي پودەزى ماڭىندا بەلگىسىز ايەلدىڭ بويجەتكەننىڭ سوڭىنان اڭدىپ, جانجال شىعارعان بەينەجازباسى كەڭىنەن تارادى. وقيعانىڭ قالاي بولعانىن جانە نەمەن اياقتالعانىن جابىرلەنۋشى Threads جەلىسىندە ايتىپ بەردى, دەپ جازادى Egemen.kz.
اۆتوردىڭ ايتۋىنشا, وقيعا 25 قاڭتار كۇنى تۇنگى ساعات 03:21 شاماسىندا بولعان. قىز جۇمىستان ۇيىنە قايتىپ كەلە جاتقان كەزدە بەيتانىس ايەلدى بايقاپ, كەيىن ونىڭ پودەزگە دەيىن سوڭىنان ەرىپ كەلگەنىن اڭعارعان.
جابىرلەنۋشىنىڭ سوزىنشە, بەيتانىس ايەل ءوزىن اگرەسسيۆتى ۇستاپ, سوڭىنان قالماي, قورقىتاتىن سوزدەر ايتقان. اتاپ ايتقاندا, ول: «سوقىر بولعىڭ كەلە مە؟» دەپ ايقايلاعان.
بويجەتكەن 27 قاڭتار كۇنى ونى قۋدالاعان ايەلگە قاتىستى سوت وتىرىسى وتكەنىن حابارلادى. سۋديا ايىپتالۋشىنىڭ ارەكەتىن ۇساق بۇزاقىلىق دەپ تانىپ, بالاعات سوزدەر قولدانعانى ءۇشىن 85 مىڭ تەڭگە كولەمىندە ايىپپۇل سالعان.
ساتباەۆتا قولىنا پىشاق ۇستاعان ەر ادام دۇكەن قىزمەتكەرلەرىن قورقىتقان
ال جابىرلەنۋشى سوت شەشىمىنە كوڭىلى تولمايتىنىن ايتىپ, ەموتسياعا تولى بەينەجازبا جاريالادى. ونىڭ ايتۋىنشا, ول ايەلگە قاتىستى باسقا كورشىلەر دە شاعىمدانعان, بىراق ولاردىڭ شاعىمى ەسكەرۋسىز قالعان.
«سوت زالىنا كىرگەننەن باستاپ ول ماعان قاراپ ك ۇلىپ وتىردى. ونىڭ اناسى مەنىڭ انامدى كىنالادى. بۇل وتە ادىلەتسىز. مەنىڭ ءومىرىم 85 مىڭ تەڭگەگە عانا باعالاندى ما؟ وعان تەك قوعامدىق ورىندا بوقتىق ءسوز ايتقانى ءۇشىن ايىپپۇل سالدى. سوتتا ول ماعان جالا جاۋىپ, ءبارىن ءبىرىنشى مەنىڭ باستاعانىمدى ايتتى», دەپ قىنجىلدى سەمەي تۇرعىنى.
سوتتان كەيىن ايەل ايىپپۇل تولەپ بوساتىلعان. باسقا شارا قولدانىلماعان.
الماتى اۋەجايىندا بەلگىسىز بىرەۋ ايەلدى پىشاقپەن قورقىتقان