بەس كۇننەن كەيىن استانا ەۋرازيالىق ەكونوميكالىق ينتەگراتسيانىڭ, تسيفرلاندىرۋدىڭ جانە تەحنولوگيالىق دامۋدىڭ بولاشاعىن تالقىلاۋدىڭ ورتالىق الاڭىنا اينالادى. ەۋرازيالىق ەكونوميكالىق وداق ەلدەرىنىڭ باسىن قوساتىن ىسكەرلىك فورۋمى 28-29 مامىردا ۇيىمداستىرىلادى, دەپ حابارلايدى Egemen.kz
فورۋمنىڭ باستى تاقىرىبى – «جاھاندىق تسيفرلىق باسەكەدەگى ەەو: جاساندى ينتەللەكتكە يەك ارتۋ».
جيىننىڭ باستى وقيعاسى ەەو مەملەكەتتەرىنىڭ كوشباسشىلارى مەن حالىقارالىق دەلەگاتسيالار باسشىلارىنىڭ قاتىسۋىمەن وتەتىن پلەنارلىق وتىرىس بولماق.
فورۋمعا 1250-گە جۋىق كاسىپكەر, ەۋرازيالىق ەكونوميكالىق وداق ەلدەرى مەن باقىلاۋشى مەملەكەتتەردىڭ 350-دەن استام مەملەكەتتىك ورگاندارىنىڭ وكىلدەرى, حالىقارالىق ۇيىمداردىڭ 130-دان استام وكىلدەرى, سونداي-اق اقش, قىتاي, ءازىربايجان, ۆەتنام, ەگيپەت, موڭعوليا, تۇرىكمەنستان, تاجىكستان جانە باسقا دا ەلدەردەن 70-كە جۋىق دەلەگاتتار قاتىسادى دەپ جوسپارلانۋدا.