بۇقار جىراۋ اۋدانىنا قاراستى بوتاقارا كەنتىندە كەزەكتە تۇرعان ازاماتتارعا ارنالعان جاڭا تۇرعىن ءۇي پايدالانۋعا بەرىلدى. ەكسكليۋزيۆتى جوبا اياسىندا سالىنعان ەكى قاباتتى كىرپىش ءۇي الەۋمەتتىك وسال ساناتتاعى 12 وتباسىعا ۇسىنىلادى, دەپ حابارلايدى Egemen.kz.
تۇرعىن ءۇي ورتالىق جىلۋ جۇيەسىنە قوسىلعان, بالالار ويىن الاڭى بار جانە مۇمكىندىگى شەكتەۋلى ازاماتتارعا بەيىمدەلگەن. پاتەرلەر قونىستانۋعا تولىق دايىن, ارقايسىسى كودتى ەلەكتروندى ق ۇلىپتارمەن جابدىقتالعان. ەدەنى تايعانامايتىن كەراموگرانيتتەن توسەلگەن. ءۇيدىڭ ساۋلەتى ۇلتتىق ويۋ-ورنەكپەن ارلەنگەن.
زەينەتاقى جيناعىن تۇرعىن ءۇي ساتىپ الۋعا پايدالانۋ ءتارتىبى وزگەرتىلدى
تۇرعىن ءۇي جەكە ينۆەستيتسيا ەسەبىنەن سالىنعان, كەيىن قولدانىستاعى زاڭناماعا سايكەس اۋداندىق اكىمدىك ساتىپ العان. قونىستانۋشىلار ءتىزىمى «وتباسى بانك» ارقىلى جۇزەگە اسادى.
ەندى تۇرعىن ۇيدە ۇلەسى بار ازاماتتار جەڭىلدەتىلگەن يپوتەكا الا الادى
بۇقار جىراۋ اۋدانى اكىمىنىڭ ورىنباسارى بەرىك كوپباەۆتىڭ مالىمەتىنشە, بيۋدجەت قاراجاتى ەسەبىنەن بوتاقارا, ع.مۇستافين كەنتتەرىندە جانە سامارقاند, دوسكەي, بايقادام, نوۆوۋزەنكا اۋىلدارىندا بارلىعى 48 پاتەر ساتىپ الىنعان. بارلىق ۇيلەر قۇرىلىس تالاپتارىنا ساي.
قۇرىلىس كومپانياسىنىڭ باسشىسى ابزال سەكسەنباەۆ بۇل جوبا تۋعان ولكەگە قوسقان ۇلەس ەكەنىن اتاپ ءوتتى. بيىلعى جىلى اۋداندا كەزەكتە تۇرعان ازاماتتاردى تاعى دا باسپانامەن قامتۋ جوسپارلانعان.
قىزىلوردالىقتار جاڭا جىل قارساڭىندا جاڭا پاتەر كىلتىن الدى