ەلوردالىق پوليتسيا قىزمەتكەرلەرى الاياقتىق سحەماسىنا قاتىسى بار دەگەن كۇدىكپەن ازىق-ت ۇلىك دۇكەنىنىڭ يەسىن انىقتادى. جەكە كاسىپكەر رەتىندە تىركەلگەن ايەل زاڭسىز اقشا اينالىمىنا كومەكتەسكەنى, ياعني «دروپپەرلىك» جاساعانى ءۇشىن قىلمىستىق جاۋاپكەرشىلىككە تارتىلۋى مۇمكىن, دەپ حابارلايدى Egemen.kz.
تەرگەۋ مالىمەتتەرىنە سايكەس, 2025 جىلى ايەل ينتەرنەت-دۇكەن ارقىلى 680 مىڭ تەڭگەگە كۆادروتسيكل ساتىپ الماق بولعان. الايدا قاراجات كورسەتىلگەن ەسەپشوتقا اۋدارىلعاننان كەيىن ساتۋشى بايلانىسىن ءۇزىپ, حابارسىز كەتكەن.
جەدەل ىزدەستىرۋ شارالارىنىڭ ناتيجەسىندە اقشا اۋدارىلعان بانك شوتى استانالىق كاسىپكەر ايەلگە تيەسىلى ەكەنىن بەلگىلى بولدى.
پەتروپاۆلدا 120 ملن تەڭگەنى قولدى قىلعان دروپپەرلەر سوتتالدى
كۇدىكتىنىڭ ايتۋىنشا, بۇعان دەيىن وعان بەيتانىس ەر ادام حابارلاسىپ, اقشالاي سىياقى ءۇشىن ءوزىنىڭ بانك ەسەپشوتىن قاراجات اۋدارۋعا پايدالانۋدى ۇسىنعان. ايەل بۇل ۇسىنىسقا كەلىسكەن. قاراجات تۇسكەن سوڭ ول سومانىڭ ءبىر بولىگىن وزىنە قالدىرىپ, قالعانىن قولما-قول اقشاعا اينالدىرىپ, ءۇشىنشى تۇلعاعا بەرگەن.
اتالعان فاكتى بويىنشا كاسىپكەرگە قاتىستى قىلمىستىق ءىس قوزعالدى, سوتقا دەيىنگى تەرگەۋ جالعاسىپ جاتىر.
دروپپەرلىك شوتتارداعى ميللياردتاعان تەڭگە بۇعاتتالدى
پوليتسيا قىزمەتكەرلەرى 2025 جىلدان باستاپ دروپپەرلىك ارەكەتتەر رەسمي تۇردە قىلمىستىق جاۋاپكەرشىلىككە جاتاتىنىن ەسكە سالادى. بانك ەسەپشوتتىن, كارتانى نەمەسە رەكۆيزيتتەردى ءۇشىنشى تۇلعالارعا, ءتىپتى «ۋاقىتشا», ء«وتىنىش بويىنشا» نەمەسە «اقى ءۇشىن» بەرۋ قىلمىستىق جاۋاپكەرشىلىككە اكەلەدى.
دروپپەر بولۋدىڭ سالدارى قانداي؟