20 قاڭتاردا شىمكەنتتە بولعان جاپپاي توبەلەستە ۆاسيلي كولەسنيكوۆتىڭ قازا تابۋىنا بايلانىستى تەرگەۋ شەڭبەرىندە پوليتسيا تاعى ءۇش كۇدىكتىنى ۇستادى, دەپ حابارلايدى Egemen.kz.
بۇل تۋرالى ادۆوكات تالعات ەسىموۆ مالىمدەدى.
ادۆوكاتتىڭ ايتۋىنشا, ۇستالعاندار تۇركىستان وبلىسىنىڭ تۇلكىباس اۋدانىندا جاسىرىنعان.
قايعىلى جاعداي 20 قاڭتار كۇنى ەرىمبەتوۆ پەن رىسقۇلوۆ كوشەلەرىنىڭ قيىلىسىندا بولعان. ەكى كولىك سوقتىعىسقاننان كەيىن جۇرگىزۋشىلەر اراسىندا جانجال تۋىنداپ, ارتى توبەلەسكە ۇلاسقان. قاقتىعىس كەزىندە 40 جاستاعى ەر ادام العان جاراقاتتارىنان وقيعا ورنىندا مەرت بولدى. تاعى ءبىر ازامات اۋىر حالدە اۋرۋحاناعا جەتكىزىلگەن.